Aýa raıy
Astana -19 °S
Almaty -13 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Qyzylorda oblysynda 3600 medıtsına qyzmetkeri rezervke alyndy

2020 jyldyń 23 qarasha 2020 15:55

NUR-SULTAN. QazAqparat - Qyzylorda oblysynda koronavırýs ınfektsııasynyń yqtımal ekinshi tolqynyna daıyndyq jumystary kúsheıtildi. Bul týraly búgin óńir basshysy Gúlshara Ábdiqalyqova Ortalyq kommýnıkatsııalar qyzmeti alańynda ótken brıfıngide aıtty, dep habarlaıdy QazAqparat tilshisi.

Bul maqsatta halyqqa alǵashqy kezektegi qajetti dári-dárimektiń eki aılyq qory jasaqtalǵan. Odan bólek, turaqtandyrý qory arqyly dárilik zattardy alýǵa 488 mln teńge qarjy bólingen.

«Ókpeni jasandy jeldetý (IVL) apparatynyń 244 danasy óńirge jetkizildi. Oǵan qosa, 60 rentgen apparaty, 682 ottegi kontsentratory bar. Aıta keterligi, 21 ınfektsııalyq statsıonarda qajetiligine qaraı 3200 tósek-ornyn daıyndaýǵa múmkindigimiz bar. Jaqyn kúnderi 200 tósektik jańa modýldik ınfektsııalyq aýrýhananyń qurylysy aıaqtalady», - dedi Gúlshara Ábdiqalyqova.

Oblysta medıtsına mamandary úshin 44 sanıtarlyq avtokólik tabystaldy. Demeýshiler esebinen oblystyq kópbeıindi aýrýhanada ottegi stantsııasy iske qosyldy. Al Qazaly aýdanynda taǵy bir stantsııa paıdalanýǵa berilmek. Emdeý mekemelerinde maman tapshylyǵyn boldyrmaý maqsatynda 3600 medıtsına qyzmetkerinen kadrlyq rezerv qalyptastyrylǵan.

Eske salaıyq, G.Ábdiqalyqova búgingi brıfıngide málim etkendeı, Qyzylorda oblysynda agrarlyq salada eksportqa shyqqan taýardyń 98 paıyzy – qaıta óńdelgen ónimder bolyp tabylady.

Óńirde balyq sharýashylyǵyn damytý úshin arnaıy baǵdarlama jasaldy.

Qyzylorda oblysynda 54 myńnan astam kásipkerge salyqtyq jeńildik jasaldy.


Joǵary qaraı