Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Koronavırýs: Qazaqstanda karantın merzimi qysqarýy múmkin

2022 jyldyń 18 qańtar 2022 20:51

NUR-SULTAN. QazAqparat – QR DSM sanıtarlyq-epıdemıologııalyq baqylaý komıtetiniń tóraǵasy Aıjan Esmagambetova koronavırýspen aýyratyn naýqastardyń, sımptomsyz jáne baılanysta bolǵandardyń karantınin qysqartý týraly pikir bildirdi, dep habarlaıdy QazAqparat.

«Qazirgi ýaqytta Reseı karantındi 7 kúnge deıin qysqartatyndaryn málimdedi. Qazaqstanda mundaı másele qarastyrylyp jatyr ma?», - dep suraq qoıdy jýrnalıst Ortalyq kommýnıkatsııalar qyzmetinde.

«Iá, biz juma kúni áriptesterimizben ZOOM-kezdesý ótkizdik, halyqaralyq tájirıbeni zerttedik. Shynynda da, álemde qazir karantın merzimi qysqaryp keledi. Ázirge biz bas memlekettik dárigerdiń qaýly jobasyna baılanysta bolǵan jáne sımptomsyz adamdar 10 kúnge deıin karantınde bolady dep engizýdi qarastyryp otyrmyz», - dedi Aıjan Esmaǵambetova.

Spıker jetinshi táýlikte testileý ótkizip, teris nátıje bolǵan jaǵdaıda 7 kúnnen keıin karantındi aıaqtap, jumysqa shyǵý quqyǵy beriletinin aıtty.

«Eger testileý qandaı da bir sebeptermen ótkizilmese, tipti testileý jasaǵysy kelmeıtin azamattar bar, olar karantınniń aıaqtalýyn kútedi. Olar úshin karantın 10 kún boıy saqtalady. ıAǵnı, 10 kúnnen keıin olar PTR-test tapsyrmaı, karantındi aıaqtap, jumysqa shyǵa alady», - dep naqtylady komıtet tóraǵasy.

Aıta keteıik, qazirgi ýaqytta naýqastar úshin karantın merzimi 14 kúndi quraıdy.


Joǵary qaraı