Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Qaraǵandy oblysy «sary» aımaqqa ótti

2021 jyldyń 18 qańtar 2021 14:05

QARAǴANDY. QazAqparat – Qaraǵandy oblysy koronavırýstyń taraýy boıynsha, «sary» aımaqqa ótti. Osyǵan baılanysty Qaraǵandy oblysynyń bas sanıtarlyq dárigeri óńir turǵyndaryna úndeý joldady, dep habarlaıdy QazAqparat tilshisi.

«Qurmetti Qaraǵandy oblysynyń turǵyndary!

Qaraǵandy oblysy 2021 jylǵy 18 qańtardaǵy Qazaqstan óńirlerindegi epıdemıologııalyq jaǵdaıdy baǵalaý matrıtsasyna sáıkes «sary aımaqta» tur.

2020 jylǵy 18 qańtardaǵy jaǵdaı boıynsha oblysta barlyǵy koronavırýspen naýqastanǵandar sany 12 782-ni qurap otyr, 100 myń turǵynǵa shaqqanda syrqattanýshylyq kórsetkishi 899,8 qurady. Aýrý belgileri bar azamattar - 54,9% jáne aýrý belgilerinsiz vırýs tasymaldaýshylar - 45,1% -jetti.

Epıdemıologııalyq jaǵdaı kúrdeli dep baǵalanyp otyr, óıtkeni vırýs juqtyrǵandar sany artyp keledi.

Sondyqtan, aýrýdyń órshýine jol bermeý maqsatynda oblystyń Bas memlekettik sanıtarlyq dárigeriniń qaýly talaptarynyń saqtalýyn qatań qamtamasyz etý qajet. Balalarǵa, jasy úlken adamdarǵa jáne aýrýǵa óte sezimtal sozylmaly aýrýlary bar adamdarǵa erekshe nazar aýdarý kerek. Sizdiń densaýlyǵyńyz, jaqyndaryńyzdyń densaýlyǵy ózińizdiń qolyńyzda, sondyqtan oqshaýlanýdy, bıoqaýipsizdik erejelerin (maska kııý, antıseptıkterdi qoldaný, áleýmettik qashyqtyq) saqtaýlaryńyz qajet.

Qazirgi ýaqytta jekelegen aýmaqtarda da, jalpy oblys kóleminde karantındik is-sharalardy qabyldaý máselesi qarastyrylýda.

Qaraǵandy oblysynyń Bas sanıtarlyq dárigeri retinde barlyq azamattardy sanıtarlyq sharalar men shekteýlerdi múltiksiz saqtaýǵa shaqyramyn, bul koronavırýstyq ınfektsııanyń taralýyn baqylaýdyń jalǵyz joly»,-delingen Qaraǵandy oblysynyń Bas memlekettik sanıtarlyq dárigeri ıÝrıı Zalygınniń Úndeýinde.


Joǵary qaraı