Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Grýzııada balalar arasynda ınfektsııa órship tur

2021 jyldyń 12 qazan 2021 09:15

TBILISI. GRÝZIıA JAŃALYQTARY–QazAqparat – Grýzııada jasóspirimder arasynda koronavırýstyń órshı bastaǵany aıtylýda. Bul, synyptar men mektepaldy bilim berý mekemelerindegi oqý protsesiniń bastalýymen baılanystyrylyp otyr, dep habarlaıdy QazAqparat «Grýzııa Jańalyqtary» agenttigine silteme jasap.

«Іndetke shaldyǵý jaǵdaılary mektepter men balabaqshalar ashylǵan soń kóbeıdi. Bul, ásirese sońǵy birneshe kún boıy sezilýde. Qazirgi kezde emhana naýqastarǵa toly. Biz bos oryndardy qaldyrýǵa barynsha tyrysýdamyz», - dep málimdedi «Imedı» telearnasyna Tsıtsıshvılı atyndaǵy balalar emhanasynyń dırektory Davıd Rehvıashvılı.

Qazirgi kezde Tsıtsıshvılı emhanasynda 150-ge jýyq patsıent – jasóspirimder men olardyń ata-analary em alýda. Bul rette 23 bala jansaqtaý bóliminde jatyr.

Tbılısıde koronavırýs saldarynan 12 kúnniń ishinde 55 balabaqsha jabylǵan. Jeti mektep pen 90 jeke synyp qashyqtan oqytý formatyna aýysty.

Kahetı aımaǵynda kúrdeli epıdemıologııalyq jaǵdaı baıqalýda. Koronavırýstyń taralýy saldarynan 7 mektep onlaın bilim berýge kóshti, 39 balabaqsha jáne taǵy bes top jabyldy. Sonyń ishinde 11 synyp pen 15 balabaqsha Telavı qalasynda.

Tbılısıde ótken táýlikte indetke shaldyǵýdyń 465 jańa oqıǵasy, al Kahetıde – 294 oqıǵa tirkelgen.


Joǵary qaraı