Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Djons Hopkıns ýnıversıtetiniń mamandary pavlodarlyq dárigerlermen tájirıbe bólisti

2021 jyldyń 29 qyrkúıek 2021 02:24

PAVLODAR. QazAqparat - Pavlodar oblysynyń medıtsına qyzmetkerleri álemge áıgili Djons Hopkıns ýnıversıteti medıtsına mektebiniń ǵylymı qyzmetkerlerinen dáris aldy, dep habarlaıdy QazAqparat Pavlodarnews.kz saıtyna silteme jasap.

Oblystyq Densaýlyq saqtaý basqarmasynyń málimetinshe, tájirıbe almasý onlaın rejımde uıymdastyryldy.
Vebınarda Pavlodar jáne Amerıka mamandary koronavırýs ınfektsııasyn emdeý protsesimen bólisti.

Medıtsına ǵylymdarynyń doktory Bendjamın Bodnar trombozdyń joǵary qaýpi bar naýqastar úshin antıkoagýlıantty terapııa týraly, sondaı-aq júrektiń ıshemııalyq aýrýy, qant dıabeti, semirý sııaqty ilespe syrqattary bar naýqastar úshin ıntensıvti terapııa jóninde aıtyp berdi.

«Djon Hopkıns ýnıversıteti –amerıkalyq iri medıtsına ortalyǵy. Ol Qazaqstan halqynyń sanymen para-par keletin naýqastar kólemine qyzmet kórsetedi. Sondyqtan olarǵa bútin álemnen aqparat aǵylady jáne olardyń jeke tájirıbesi mol. Pavlodarlyq dárigerler oqýǵa úlken qyzyǵýshylyq tanytty, olar belsendi qatysty», - dedi «Medıko-ınnovatsııalyq tehnologııalar» kompanııasynyń medıtsınalyq dırektory Gaýhar Abdıldına.


Joǵary qaraı