Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Brıtanııalyq shtamm áldeqaıda qaýipti bolýy múmkin

2021 jyldyń 23 qańtar 2021 09:30

LONDON. QazAqparat - Koronavırýstyń brıtanııalyq shtamy áldeqaıda qaýipti bolýy múmkin. Bul týraly Brıtanııa Premer-Mınıstri Borıs Djonson juma kúni bolǵan brıfıngte aıtty, dep habarlaıdy QazAqparat BBC agenttigine silteme jasap.

Brıtanııa Premeriniń sózinshe, osy elde jyl basynda paıda bolǵan koronavırýs túri jyldam taraıdy jáne ol óte qaýipti bolýy múmkin.

«Búgin bizge London men Brıtanııanyń ońtústik shyǵysynda paıda bolǵan vırýstyń tez taraýmen qatar onyń saldarynan adamdardyń da jıi qaıtys bolýy múmkin ekendigi habarlandy»,-dedi Djonson.

Ol osyǵan deıin daıyndalǵan vaktsınalardyń koronavırýstyń eki túri úshin de tıimdi ekenin aıtty.

Ázirge Anglııada vırýstyń taraý qarqyny birshama tyıyldy. Al, Soltústik Irlandııada kerisinshe, vırýstyń jańa shtamyna baılanysty aýrý órship ketken.

Shotlandııa men Ýelste koronavırýstyń jańa shtamyn juqtyrǵandar kóbeıip keledi. Anglııada vırýs juqtyrǵandardyń kópshiligin koronavırýstyń kádimgi túrimen naýqastanǵandar qurap otyr.

Jańa shtamm kóp tarap jatqan Soltústik Irlandııada kerisinshe COVID-19-dan qaıtys bolyp jatqandar jıi kezdesedi.


Perevod Aıdar Ospanalıev
Basty sózder: Álem, Koronavırýs,
Joǵary qaraı