Aýa raıy
Astana -17 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: BQO-da qarashada 35 myńǵa jýyq adam zerthanalyq tekserýden ótti

2020 jyldyń 24 qarasha 2020 12:53

ORAL. QazAqparat – Batys Qazaqstan oblysynda qarasha aıynda 34 684 adam zerthanalyq tekserýden ótti, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaev óńirlik kommýnıkatsııalar qyzmeti alańynda ótken brıfıngide málim etkendeı, indet bastalǵannan beri barlyǵy 196307 adamnan synama alynǵan.

Kúni búgin oblys PTR dıagnostıkasy úshin 60178 zertteýge arnalǵan 1203 test júıesimen qamtamasyz etilgen.

Oblysta osy kezge deıin 7805 adamnyń indet juqtyrǵany tirkelip, sonyń 7037-si saýyǵyp shyqty. Al 130 adam qaıtys boldy.

1-23 qarasha aralyǵynda barlyǵy 781 adamnan koronavırýs tabylsa, sonyń 527-si nemese 67,4 paıyzy Oral qalasynda tirkelgen.

Sondaı-aq qalaǵa irgeles ornalasqan Báıterek aýdanynda syrqattanǵandar sany 103-ke jetti.

Ótken táýlikte oblysta 33 adamnan aýrý anyqtaldy.

1-23 qarasha aralyǵynda memlekettik shekaradan 18683 adam ótse, sonyń 3465-i – jolaýshylar. Anyqtamasyz ótken 347 jolaýshynyń jeteýi koronavırýs juqtyrǵany belgili boldy.

Sol sekildi halyqaralyq júk tasymalymen aınalysatyn 6482 júrgizýshiniń 2425-inde anyqtama joq bolyp shyqty. Bulardyń arasynan test 22 adamnyń indet juqtyrǵanyn kórsetti.

Eske sala keteıik, budan buryn BQO-da 81 balanyń koronavırýs juqtyrǵanyn jazǵan bolatynbyz.


Joǵary qaraı