Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Koronavırýs: BQO-da 5 myńnan astam adam ambýlatorlyq em alyp jatyr

2022 jyldyń 27 qańtar 2022 14:27

ORAL. QazAqparat – Batys Qazaqstan oblysynda koronavırýs juqtyrǵan 5132 adam ambýlatorlyq em alyp jatyr, dep habarlaıdy QazAqparat tilshisi.

BQO Densaýlyq saqtaý basqarmasynan málim etkenindeı, pandemııa bastalǵannan beri óńirde 45 279 naýqas tirkeldi.

Jyl basynan 5209 adamnan, sońǵy táýlikte 451 adamnan koronavırýs anyqtaldy.

Oblysta COVID-19 dıagnostıkasy boıynsha 14 zerthana jumys isteıdi. Sońǵy táýlikte 1923 zertteý júrgizildi.

Kúni búgin 751 tósektik 14 ınfektsııalyq statsıonarda 281 naýqas emdelýde. Sonyń ishinde 266-sy Oral qalasyndaǵy 578 tósektik 8 statsıonarda jatyr. Jansaqtaý bólimshesindegi 15 naýqastyń jaǵdaıy aýyr.

Jyl basynan beri 6 adam koronavırýstan kóz jumdy.

Basqarmadan habarlaǵanyndaı, oblysta turǵyndarǵa ekpe salý jumystary jalǵasýda.

Osy kezge deıin 264 761 adam (egilýge jatatyn turǵyndardyń 63,9 paıyzy) birinshi, 248 318-i (59,9 paıyz) ekinshi komponentpen egildi.

Sonymen qatar 37 768 adam revaktsınatsııadan ótti. Pfizer vaktsınasyn saldyrǵan 8137 adamnyń 4198-i – jasóspirimder, 288-i – júkti, 3651-i – bala emizetin áıelder.

Eske sala keteıik, budan buryn BQO-da koronavırýs juqtyrǵan 270-ten astam naýqastyń statsıonarda jatqanyn jazǵan bolatynbyz.


Joǵary qaraı