Aýa raıy
Astana -16 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Almatyda eki qonaqúı aýrýhanaǵa aınalady

2020 jyldyń 13 tamyz 2020 21:34

ALMATY. QazAqparat– RAMS qurylys kompanııasy óziniń eki qonaqúıin qaýipti indetti emdeıtin aýrýhanaǵa aınaldyryp, COVID-19-ǵa qarsy is-qımylǵa úles qospaqshy. Bul týraly Almaty ákimi Baqytjan Saǵyntaev Іnstagram-daǵy paraqshasynda jazdy.

«RAMS qurylys kompanııasy óziniń eki qonaqúıin qaýipti indetti emdeıtin aýrýhanaǵa aınaldyryp, COVID-19-ǵa qarsy is-qımylǵa úles qospaqshy. Jalpy syıymdylyǵy 215 tósek-oryn, onyń ishinde 34 qarqyndy terapııa men reanımatsııa bar.Baqylaý men suryptaý bokstary, ota jasaý jáne emhanalyq bólimsheler qarastyrylǵan», – dep jazdy Baqytjan Saǵyntaev.

Onyń aıtýynsha, barlyq úı-jaılar bólek kiretin jáne zararsyzdandyrý júıeleri bar úsh aımaqqa bólinedi. Taza aýa aınalymy úshin teris qysymy bar júıe qarastyrylǵan. Bul personaldyń juqtyrý qaýpin azaıtady.

«Gospıtaldar zamanaýı jabdyqtarmen, sonyń ishinde KT jáne rentgen apparattarymen, ÝDZ, ÓJJ, sondaı-aq medıtsınalyq gazdar júıesimen jabdyqtalady. Túrkııadan keletin dárigerlerdi qosa alǵanda, medıtsınalyq qyzmetkerler quramy daıyn. Mundaǵy taǵy bir erekshelik, 90 mınýttyń ishinde KVI-testiniń nátıjelerin alýǵa múmkindik beretin jeke PTR zerthanalary bar. Qurylys-montaj jumystary aıaqtalǵannan keıin gospıtaldardy 1 qazanǵa deıin ashý josparlanýda», – dep jazady ákim.























Avtor Alma Muqanova
Basty sózder: Almaty, Koronavırýs,
Joǵary qaraı