Aýa raıy
Astana -23 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: AQSh-taǵy jaǵdaı kúrdelene tústi

2020 jyldyń 20 qarasha 2020 09:21

LONDON. QazAqparat – Oksford ýnıversıteti vaktsınasyn synaqtan ótkizý 60-tan asqan adamdar úshin senim uıalatatyn nátıje kórsetti. AQSh-ta aýrýǵa shaldyǵý jáne ólim-jitim kórsetkishi ósip kele jatyr. Bul týraly QazAqparat Bı-bı-sı agenttigine silteme jasap habarlaıdy.

AQSh-ta Covid-19 saldarynan bolǵan ólim-jitim sany 250 myńnan asty, al aýrý juqtyrýdyń jańa oqıǵalarynyń sany áli de ósip keledi.
Djons Hopkıns ýnıversıtetiniń málimetinshe, pandemııa bastalǵaly Covid-19 eldiń 11,5 mln jýyq turǵynynan anyqtalǵan. AQSh álem elderi arasynda koronavırýsqa shaldyqqandar men odan qaıtys bolǵandar sany jaǵynan kósh bastap tur.

Sondaı-aq, Facebook qyzmetkerleri keńsege kóshý talabyna shaǵym bildirdi, Tokıoda qaýiptiliktiń «qyzyl» deńgeıi engizildi.

Basqa elder jańalyqtary:

Sársenbi kúngi keshki jańalyqtar boıynsha, Italııada táýlik ishinde Covid-19 dıagnozy rastalǵan 753 adam qaıtys boldy. Eldiń birneshe aımaǵynda qaýiptiliktiń qyzyl deńgeıi belgilengen. Endi olarǵa Abrýtstso da qosyldy.

Avstrııada pandemııanyń ekinshi tolqynynan qarttar úıi taǵy zardap shegip otyr. 12 qarashaǵa deıin, 40 kúnde onda qaýipti vırýstan 323 adam qaıtys bolǵan.

Nıderlandy elinde eki apta buryn engizilgen qatań shekteýler jumsartyldy.

Germanııada táýlik ishinde aýrý juqtyrýdyń 22,6 myńnan astam oqıǵasy tirkelgen.

Belgııanyń premer-mınıstri Aleksandr de Kro bıylǵy Rojdestvonyń burynǵydaı bolmaıtynyn eskertti.

«Rojdestvodan keıin ekinshi tolqynnyń bastalýyn qalamaımyz. Eger merekede saq bolmasaq, úsh nemese tórt aptadan keıin onyń saldaryn kóremiz», - dedi ol.


Basty sózder: Koronavırýs, Álem, Amerıka,
Joǵary qaraı