Aýa raıy
Astana -1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: 1,7 myńnan astam medıtsına qyzmetkeri ótemaqy aldy

2020 jyldyń 21 qyrkúıek 2020 12:26

NUR-SULTAN. QazAqparat - COVID-19-ben kúresýge tartylǵan 1 727 medıtsına qyzmetkeri koronavırýstyq ınfektsııany nemese vırýstyq pnevmonııany juqtyrǵan jaǵdaıda memlekettik áleýmettik saqtandyrý qorynan (MÁSQ) beriletin birjolǵy áleýmettik tólemdi aldy, dep habarlaıdy QazAqparat.

«MÁSQ aýrýdyń saldarynan qaıtys bolǵan 24 medıtsına qyzmetkeriniń týystaryna tólemder aýdardy. Budan buryn habarlanǵandaı, joǵaryda atalǵan tólem tólenetin medıtsına qyzmetkerlerin óńirlerdiń jáne respýblıkalyq mańyzy bar qalalardyń densaýlyq saqtaý basqarmalary janyndaǵy arnaıy komıssııalar aýyrǵan medıtsına qyzmetkerlerin tekserý nátıjeleri negizinde anyqtaıdy. Ótinimderdiń jınaqtaýdy QR Densaýlyq saqtaý mınıstrligi júzege asyrady, odan keıin ótinimder elektrondyq is maketterin qalyptastyrý úshin «Azamattarǵa arnalǵan úkimet» memlekettik korporatsııasy» KEAQ-ǵa beriledi. Osydan soń tólem taǵaıyndaý úshin MÁSQ-ǵa jiberiledi», - delingen Eńbek mınıstrligi habarlamasynda.

21 qyrkúıek saǵat 9:00-degi jaǵdaı boıynsha MÁSQ COVID-19 nemese vırýstyq pnevmonııa juqtyrǵan 1 727 medıtsına qyzmetkeriniń ótinishi boıynsha jáne aýrýdyń saldarynan qaıtys bolǵan 24 medıtsına qyzmetkeriniń ótinish boıynsha aqshalaı qarajatty taǵaıyndaý men tóleýdi júzege asyrdy.

Óńirler bólinisinde medıtsına qyzmetkerlerine COVID-19 nemese vırýstyq pnevmonııany juqtyrý jaǵdaıyna tólemderdiń eń kóp sany Nur-Sultan (393) jáne Almaty (373), Shymkent (102) qalalary, Qaraǵandy (115), jáne Aqmola (107) oblystary boıynsha júrgizildi.

Esterińizge sala keteıik, QR Eńbek jáne halyqty áleýmettik qorǵaý mınıstri men QR Densaýlyq saqtaý mınıstriniń birlesken buıryǵyna bıyldyń 22 shildesinde engizilgen ózgeristerge sáıkes joǵaryda kórsetilgen tólem: koronavırýstyq ınfektsııa nemese vırýstyq pnevmonııa juqtyrǵan medıtsına qyzmetkerlerine – 2 mln teńge, al COVID-19 koronavırýstyq ınfektsııasyn juqtyrǵannan, vırýstyq pnevmonııamen aýyryp qaıtys bolǵan jaǵdaıda olardyń otbasyna 10 mln teńge kóleminde tólenedi.


Joǵary qaraı