Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kórmedegi Kókshetaýdyń qus ushatyn bıikten túsirilgen sýretteri kórermen qyzyǵýshylyǵyn týdyrdy

2021 jyldyń 19 qazan 2021 22:24

KÓKShETAÝ. QazAqparat - Qazaqstan Respýblıkasy Táýelsizdiginiń 30 jyldyǵyna arnalǵan Kókshetaý qalasy tarıhy murajaıynyń kóshpeli fotokórmesine eki kún ishinde 500-den astam adam qatysty, dep habarlaıdy QazAqparat tilshisi.

Aqmola oblysynyń mádenıet, arhıvter jáne qujattamalar basqarmasynyń málimetinshe, Qazaqstan Respýblıkasy Táýelsizdiginiń 30 jyldyǵyna oraı Kókshetaý qalasy tarıhy murajaıynyń qyzmetkerleri «Táýelsizdik jyldaryndaǵy Kókshetaý tarıhy» jobasyn júzege asyrýda. Joba aıasynda qalanyń kórikti jerlerine jaıaý ekskýrsııa, dárister, kórme, aktsııalar, sondaı-aq áleýmettik jeli arqyly onlaın murajaı sabaqtary men dárister tárizdi taqyryptyq is-sharalar ótkizilip jatyr.




«QR Táýelsizdiginiń 30 jyldyǵyna arnalǵan «Táýelsizdik jyldaryndaǵy Kókshetaý» kóshpeli fotokórmesi «Týǵan jer – týǵan el» baǵdarlamasy aıasynda ótkiziletin mańyzdy is-sharalardyń biri boldy. Ol mektep, kolledj oqýshylary men joǵary oqý oryndary stýdentterin Kókshetaý qalasynyń qurylý, damý tarıhymen jáne Táýelsizdik jyldaryndaǵy týǵan ólkeniń jetistikterimen tanystyrý arqyly Kókshetaý qalasynyń tarıhyn saqtaý jáne zerdeleý, kópshilikke taratý úshin ótkizildi. Sondaı-aq, ol jastardyń boıynda otansúıgishtik pen týǵan ólkege degen súıispenshilik sezimderin tárbıeleýge baǵyttalǵan», - dep atap ótti Aqmola oblysynyń mádenıet, arhıvter jáne qujattamalar basqarmasynyń basshysy Aıgúl Sábıtova.




Qurylys-tehnologııalyq kolledjiniń stýdentteri úshin qalanyń tarıhy, onyń Táýelsizdiktiń 30 jylyndaǵy áleýmettik-ekonomıkalyq damýy men jetistikteri týraly baıandaıtyn «Táýelsizdik jyldaryndaǵy Kókshetaý» fotokórmesi uıymdastyryldy.

Kórmede Kókshetaý qalasynyń qalyptasýy men damýynyń barlyq kezeńderi kórinis tapty, Táýelsizdik jyldary salynǵan zamanaýı turǵyn úı jáne sáýlet ǵımarattarynyń, eskertkishter men kórikti jerlerdiń fotosýreti usynyldy.

Serikbaı Jánibekovtiń qus ushatyn bıikten búgingi Kókshetaýdyń beınesin túsirgen fotosýretteri erekshe qyzyǵýshylyq týdyrdy. Eki kún ishinde fotokórmege 500-den astam stýdent pen oqytýshy kelip kórdi.


Joǵary qaraı