Aýa raıy
Astana 5 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Kórki kóz arbaǵan Altaıdaǵy Naryn jaılaýy - Sheteldegi qazaq tildi BAQ-qa sholý

2020 jyldyń 9 tamyz 2020 11:54

NUR-SULTAN. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Kórki kóz arbaǵan Altaıdaǵy Naryn jaılaýy - Tıanshannet

Qytaıdyń Altaı aımaǵyna qarasty Qaba aýdanyndaǵy Naryn jaılaýy jaz aılarynda túrlenip, ózgeshe túske enedi, dep jazady «Tıanshannet» aqparattyq portaly.

Atalǵan BAQ-tyń jazýynsha, Qytaıdaǵy qandastarymyz qonystanǵan Qaba aýdanyndaǵy Naryn jaılaýynda ormandar, san túrli baǵaly ósimdikter barshylyq. Jaz maýsymynda asqar taý, ný ormany ózgeshe túske enip, ózen sýlary syldyraı aǵyp, gúlderi qulpyryp jaıqala ósedi. Batys Sibir jaqtaǵy Taıga ormanyn bul jerden de kóre alasyz.

«Jaz ortasy bolǵanda, alystaǵy qarly taýlardyń qyr jotalary kún nurymen shaǵylysyp, etegi altyn sary túske boıalyp jatady. Kóz jeter mańda, taýdyń bel jotasyna tuman shógip, tabıǵattyń jarasymdylyǵyn áıgileıdi. Kilemniń túgindeı kógala maısań tósinde qoraly qoı, tabyndy syıyr jaıyla ottap, tynysty tirshilikti ańǵartady. Naryn jaılaýynda bir orynda turyp, úsh kóldi tamashalaýǵa bolady, ıaǵnı Qanas kóli men «Qos kóldi» kóre alasyz. Jolyńyz túsip Naryn jaılaýyna barsańyz, beıne ertegi álemine engendeı kúı keshesiz. Nazarlaryńyzǵa osy kórkem tabıǵat kórinisterinen fotoreportaj usynamyz», - dep jazady Tıanshannet.













Túrkııada Horezmdi bılegen «Jalolıddın Mangýberdi» jaıly fılmniń túsirilimi bastaldy - «ÓzA» aqparattyq agenttigi

Túriktiń tarıhyn tereńnen zertteıtin «Ertuǵyryl» telehıkaıasynyń prodıýseri Mehmet Býǵdaz Horezmdi bılegen Jalolıddın Mangýberdi jaıynda kópserııaly týyndynyń túsirilimin bastady, dep jazady Ózbekstannyń «ÓzA» memlekettik aqparattyq agenttigi.

««Ózbekkıno» agenttiginiń málimetinshe, «Bo‘zdag‘ film» stýdııasy taspalaıtyn serıaldyń basty róli Jalolıddın Horezmshahty túrik akteri Emre Kıvıljım somdaıdy. Fılmniń stsenarııin ózbekstandyq tanymal jazýshy Nazar Eshanqul jazǵan. Qazirgi kezde Túrkııanyń Aqsaraı provıntsııasynda túsirilip jatqan serııal úshin arnaıy tarıhı áshekeıleri bar pavılon salyndy. Jospar boıynsha fılm Ózbekstan men Túrkııa aýmaǵynda túsiriletin bolǵan», - dep jazady «ÓzA» aqparattyq agenttigi.






Aııa-Sofııa meshiti búkil adamzatqa ashyq - TRT

Túrkııa Din isteri basqarmasy tóraǵasy Alı Erbash Aııa-Sofııa meshitiniń búkil adamzatqa ashyq ekenin jarııalady, dep jazady Túrkııa Radıo Televızııa portaly.

«Erbash Dúzdjede jýrnalısterge jasaǵan málimdemede, «Aııa-Sofııanyń ǵıbadatqa ashylýy ári ultymyz, ári búkil adamzat úshin qut ákelgen bir jańalyq boldy. Tek qana musylmandar emes, kún saıyn on myńdaǵan adam kelip aralaýda. Biz Aııa-Sofııa búkil adamzatqa ashyq dep jarııalaımyz», dedi Erbash Din isteri basqarmasy. Sondaı-aq ol Mádenıet jáne týrızm mınıstrligi jáne Ystanbul gýbernatorlyǵy yntymaqtastyǵymen Aııa-Sofııada eń jaqsy qyzmetti usynýǵa tyrysqandaryn jetkizdi», - dep jazady TRT.

Atalǵan aqparat kóziniń deregine súıensek, memleket keńesiniń 10-shy departamenti Aııa-Sofııanyń meshitten murajaıǵa ózgertilýine baılanysty 1934 jyly 24 qarashadaǵy mınıstrler kabıneti sheshiminiń kúshin joıdy. Memlekettik keńes sheshimimen san ǵasyrlyq tarıhy bar Aııa-Sofııa endi dinı qulshylyq jasaý orny bolmaq. Bul týraly Túrkııa prezıdentiniń jarlyǵy resmı gazette jarııalandy.

Aıta ketý kerek, Aııa-Sofııa ǵımaraty VI ǵasyrdyń 30-shy jyldarynda Vızantııa ımperatory ıÝstınıannyń zamanynda salynǵan. Ol myńdaǵan jyl boıy hrıstıan álemindegi eń iri shirkeý bolǵan. 1453 jyly Konstantınopoldy Osman ımperııasy basyp alǵannan keıin, shirkeý aınalasyna tórt munara salyp, meshitke aınaldyrǵan. Aııa-Sofııa 1934 jyly murajaıǵa aınaldy. 1985 jyly UNESCO-nyń Búkilálemdik mura tizimine endi.






Tashkentte Túrki dúnıesi derekti fılmder festıvali ótedi - «ÓzA» aqparattyq agenttigi

Bıyl 22-24 qazan kúnderi Tashkentte Túrki dúnıesi derekti fılmder festıvali ótedi, dep habarlaıdy Ózbekstannyń «ÓzA» memlekettik aqparattyq agenttigi.

«Ózbekkıno» ulttyq agenttiginiń málimetinshe, Tashkentte Túrki álemi jýrnalısteriniń federatsııasy jáne Túrki áleminiń mádenıet, óner jáne kıno qorynyń qoldaýymen derekti fılmderdiń kórsetilimin ótkizý josparlanǵan.

«Festıval búkil túrki áleminiń túkpir-túkpirinen kelgen rejısserlerdi kezdesýler men pikir almasý úshin jınaıdy. Qatysýshy elderdiń tizimine Ózbekstan, Túrkııa, Ázerbaıjan, Túrikmenstan, Qazaqstan, Qyrǵyzstan, Soltústik Kıpr Túrik Respýblıkasy, Avtonomııalyq Túrik Respýblıkalary, Makedonııa, Kosovo, Vengrııa jáne túrki qoǵamdastyqtary engen», - dep jazady «ÓzA» agenttigi.





Arasta Eýrazııa odaǵyna múshe memleketter elshileriniń otyrysy ótedi - «Fars» aqparat agenttigi

Irannyń soltústik-batysyndaǵy Aras erkin aımaǵy uıymynyń dırektorlar keńesiniń basshysy Mohsen Narıman Eýrazııa ekonomıkalyq odaǵyna múshe memleketter elshileriniń otyrysy ótetinin habarlady, dep jazady «Fars» aqparat agenttigi.

«Mohsen Narıman dúısenbi kúni Arasta Iran Syrtqy ister mınıstriniń ekonomıkalyq dıplomatııa jónindegi orynbasary Ǵolamreza Ansarımen kezdesýinde: «Eýrazııa odaǵyna múshe memleketter elshileriniń otyrysy Irannyń Eýrazııa men Kavkaz aımaǵynyń elderimen saýda-ekonomıkalyq qarym-qatynasyn damytý maqsatynda ótedi»,-dedi. Ǵolamreza Ansarı de Aras erkin aımaǵy uıymynyń Eýrazııa ekonomıkalyq odaǵyna múshe eldermen áriptestigin damytý qajettigin qýattap: «Eýrazııa aımaǵy men TMD elderine aparar jalǵyz qaqpa retindegi osy aımaqtyń áleýetin paıdalanyp, munaıdan tys eksporttyq taýarlar negizinde atalmysh eldermen saýda aınalymyn arttyrý kerek»,-dedi», - dep jazady dep jazdy Rarstoday.






Izmır fılm festıvali 22-26 qyrkúıekte ótedi - TRT

Halyqaralyq Izmır fılm festıvali 2020 jyly 22-26 qyrkúıekte uıymdastyrylady, dep habarlaıdy Túrkııa Radıo Televızııa portaly.

«2018 jyldan beri uıymdastyrylǵan festıval bıyl koronavırýs indetine baılanysty saqtyq sharalary aıasynda ótkiziledi. Festıval aıasynda úmitker bolatyn fılmder Izmırdiń 30 aýdanyndaǵy ashyq alańdarynda kórermenderge usynylady. Aıta keter jaıt, festıvalde bıyl teleserıaldar da kórsetiledi. Úzdik bolǵandarǵa «Altyn Artemıda júldesi» beriledi», - dep jazady TRT.







Avtor Baqytjol Kákesh
Basty sózder: BAQ, Qoǵam,
Joǵary qaraı