Aýa raıy
Astana 14 °S
Almaty 12 °S
valıýta baǵamy
USD 405.69
EUR 455.51
RUB 5.72
CNY 57.42

Qorǵasta 150-ge jýyq telefon men dári-dármekti elge zańsyz kirgizbek bolǵandar ustaldy

2019 jyldyń 13 qarasha 2019 11:21

QORǴAS. QazAqparat - «Qorǵas» keden beketindeQazaqstanǵa aqparattyq tasymaldaýshylar men gadjetterdiń iri partııasyn ákelmek bolǵandar ustaldy, dep habarlaıdy QazAqparat tilshisi.

Memlekettik kirister komıtetiniń aqparatyna sáıkes, tasymaldaýshylar taýaryn durys deklaratsııalamaǵan, osylaısha iri kólemdegi gadjetter men olardyń qosalqy buıymdaryn elge ákelý faktisin jasyrǵan. Taýar «Rapiscan» skaneri arqyly tekserý barysynda anyqtaldy.

«Qorǵas» keden beketinde «Qorǵas» ShYHO keden beketiniń qyzmetkerleri shekarashylarmen jáne Almaty oblysy boıynsha ETD qyzmetkerlerimen birlesip, Qytaıdan Qazaqstanǵa zańsyz kirgizilip jatqan zattardy tárkiledi. Onda «Cavallo» (16 000 dana), «Mond» (18 000 dana) jáne «Milano» (115 000 dana) markaly shylymdar bolǵan. Ustalǵan temeki ónimderiniń jalpy salmaǵy - 103 kg, jalpy sany - 745 blok (149 000 dana).

«Sonymen qatar, salmaǵy 16 kg bolatyn, túrli modeldegi 148 uıaly telefon qolǵa tústi. USB jınaqtaǵysh «fleshka» sany - 6 245 dana, jalpy salmaǵy - 87,43 kg. Jalpy salmaǵy 13,68 kg bolatyn 199 dana GSM modýline mıkroshema tabyldy. 42 dana beınetirkegish bar. Odan bólek,salmaǵy 112,5 kg bolatyn qytaı dári-dármegi anyqtaldy» delingen habarlamada.

Qazirgi ýaqytta ustalǵan taýardyń kedendik quny anyqtalyp, istiń mán-jaıy tergelýde. Odan keıin kontrabandaǵa qatysy bar tulǵalar qoldanystaǵy zańnamaǵa sáıkes jaýapkershilikke tartylady.
















Joǵary qaraı