Aýa raıy
Astana -2 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

«Qorǵas» Saýda jáne ıntegratsııa mınıstrliginiń quziretine beriledi

2020 jyldyń 18 qyrkúıek 2020 11:41

NUR-SULTAN. QazAqparat – «Qorǵas» shekara mańy yntymaqtastyǵy halyqaralyq ortalyǵy Saýda jáne ıntegratsııa mınıstrliginiń quziretine beriletin boldy. Bul sheshim týraly qaýly jobasy «Ashyq Normatıvtik-quqyqtyq aktiler» portalynda jarııalandy, dep habarlaıdy QazAqparat tilshisi.

Zańnamada belgilengen tártippen qazirgi ýaqytta halyqaralyq ortalyq Almaty oblysynyń ákimdigine qaraıdy. «Qorǵas» shekara mańy yntymaqtastyǵy halyqaralyq ortalyǵy» arnaıy ekonomıkalyq aýmaǵyn basqarýshy kompanııasy» AQ aktsııalarynyń 100 paıyz mólsherindegi paketi kommýnaldyq menshikten respýblıkalyq menshikke berilmek.

«QR Qarjy mınıstrliginiń memlekettik múlik jáne jekeshelendirý komıteti QR Saýda jáne ıntegratsııa mınıstrligimen birlesip, zańnamada belgilengen tártippen osy qaýlydan týyndaıtyn qajetti sharalardy qabyldasyn. Úkimettiń keıbir sheshimderine engiziletin ózgeris pen tolyqtyrýlar bekitilsin», - delingen qujatta.

Óz tarapynan Saýda jáne ıntegratsııa mınıstrligi «Qorǵas» ShYHO» arnaıy ekonomıkalyq aýmaǵyna baılanysty túsindirme jazba jarııalady. Mınıstrlikiń habarlaýynsha osy sheshim arqyly qazaqstandyq eksportty ilgeriletý úshin jaǵdaı jasaý jáne QR men QHR arasyndaǵy shekara mańyndaǵy saýda kólemin arttyrý kózdelip otyr. Osy maqsatta «Qorǵas» ShYHO MK AEA» AQ aktsııalardyń memlekettik paketine ıelik etý jáne paıdalaný quqyqtaryn QR Saýda jáne ıntegratsııa mınıstrliginiń quzyryna berý qarastyrylǵan.


Joǵary qaraı