Aýa raıy
Astana 18 °S
Almaty 19 °S
valıýta baǵamy
USD 411.66
EUR 465.92
RUB 5.81
CNY 58.79

Koreıada júrgizýshi kýáliginsiz jol apatyna túsken qazaqstandyq elge oraldy

2019 jyldyń 11 qarasha 2019 17:38

NUR-SULTAN. QazAqparat - Ońtústik Koreıanyń Chhonnan qalasynda júrgizýshi kýáliginsiz jol apatyna túsken qazaqstandyq elge oraldy. Bul jaıynda búgin brıfıng barysynda QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«Jol-kólik apaty Chhonan qalasynda oryn alǵan. Jeńil kólikti basqaryp kele jatqan qazaqstandyq júk kóligine soǵylǵan. Onyń júrgýzshi kýáligi bolmaǵan. Qazirgi ýaqytta ol Qazaqstan aýmaǵynda júr. Ol jaqta másele júk kóliginiń júrgizýshisimen ekeýara kelisim arqyly sheshilgen. Bizdiń azamatymyzǵa eshqandaı shaǵym joq. Ony Ońtústik Koreıa aýmaǵynda zańsyz júrgeni úshin shyǵaryp jiberdi», - dedi resmı ókil.

Aıbek Smadııarovtyń aıtýynsha, Qazaqstan azamatyna emdelý jáne júk kóligi júrgizýshisiniń shyǵyndaryn óteýge Elshilik jáne sol jaqta júrgen qazaqstandyqtar qol ushyn sozǵan.

«Oǵan qajetti somany jınap berdi. Ol sol jaqta uzaq ýaqyt em aldy. Emdelý sátti ótti. Qazir Qazaqstan aýmaǵynda, onyń jaǵdaıy jaqsy»,- dedi ol.

Avtor Marlan Jıembaı
Basty sózder: Oqıǵa, QR SІM,
Joǵary qaraı