Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Koreıada bir táýlikte koronavırýs juqtyrǵandar sany boıynsha rekord jańartyldy

2022 jyldyń 28 qańtar 2022 09:43

SEÝL. YONHAP- QazAqparat — Ońtústik Koreıadaǵy COVID-19 juqtyrǵandardyń kúndelikti sany juma kúni taǵy bir rekordtyq deńgeıge jetti, dep habarlaıdy QazAqparat YONHAP agenttigine silteme jasap.

Koreıa aýrýdy baqylaý jáne profılaktıka agenttiginiń (KDCA) málimetinshe, elde 16 096 adamnyń COVID-19 juqtyrǵany tirkelip, tórtinshi kún qatarynan rekord ornady. Seısenbi kúni 8570 adam aýrý juqtyrdy. Kúndelikti kórsetkish 17 qańtardan bastap tórt ese artqan.

COVID-19-dan qaıtys bolǵandar sany 6678-ge jetti, bul beısenbige qaraǵanda 24-ke kóp.

Qoǵamdyq densaýlyq saqtaý agenttigi aldaǵy birneshe aptada indetke shaldyqqandardyń sany kúnine 100 000-ǵa deıin artýy múmkin dep málimdedi.

Qoǵamdyq densaýlyq saqtaý ortalyqtarynda jáne iri aýrýhanalarda qurylǵan 250-ge jýyq testileý stantsııalary antıgenderge ekspress testterdi de, polımerazdy tizbekti reaktsııany (PTR) da qoldanady. Adamdar qalaǵanyn ózderi tańdaıdy.

KDCA málimetinshe, jumadaǵy jaǵdaı boıynsha 26,35 mıllıon adam nemese 52 mln turǵynnyń 51,4 protsenti qaıta ekpe alǵan. Jalpy ekpe alǵandar sany 43,93 mıllıonǵa jetti, bul 85,6 protsentti qurap otyr.


Joǵary qaraı