Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koreıa Qazaqstannyń jaqyn dosy retinde COVID-19 aıaqtalǵansha birge bolady – Elshi Ký Hong-sok

2021 jyldyń 28 qazan 2021 04:00

NUR-SULTAN. QazAqparat – Koreıa Respýblıkasynyń Qazaqstandaǵy elshiliginde KOICA túlekter qaýymdastyǵynan COVID-19-ǵa qarsy kúres úshin qaıyrymdylyq kómek tapsyrdy, dep habarlaıdy QazAqparat.

Saltanatty rásimge Koreıanyń Qazaqstan Respýblıkasyndaǵy Tótenshe jáne Ókiletti Elshisi Ký Hong-sok, Parlament Májilisiniń depýtaty Irına Smırnova, KOICA baǵdarlamasy boıynsha Koreı JOO-larynyń qazaqstandyq túlekter qaýymdastyǵynyń prezıdenti Gúldana Sadyqova Tilegenqyzy jáne basqa da túlekter qatysty.

Elshi Ký Hong-sok pen KOICA túlekter qaýymdastyǵy 1 700 000 teńge (4 000 AQSh dollary) kóleminde epıdemıolog-dárigerlerdiń qyzmetine qajetti noýtbýk jáne planshetter tartý etti. Bul kómek Qazaqstannyń búkil aýmaǵynda ornalasqan epıdemıolog-dáriger tobynyń fılıaldaryna beriletin bolady.

«Epıdemıolog-dáriger tobymen birge medıtsınalyq qyzmetkerler men eriktilerdi COVID-19 daǵdarysyn eńserýde basty ról atqarǵan qaharman dep aıtýǵa bolady. Sońǵy ýaqytta Qazaqstanda vırýs juqtyrǵandar sany azaıyp keledi, ol úshin kúsh salyp eńbek etken medıtsına qyzmetkerlerine alǵys bidiremin. Bul joly elshilikten beriletin noýtbýk sııaqty kerek-jaraqtar qazir búkil elde júrgizilip jatqan vaqtsınalaý naýqanyń tıimdi basqarýǵa yqpal etedi dep úmittenemin. Koreıada halyqtyń 70%-dan astamyna vaqtsına egildi jáne adamdar juqpaly aýrýmen qatar ómir súrip, kúndelikti ómirine qaıta oralatyn «with Corona» dáýiri bastaldy. Elshilik osy aıda Koreıanyń ulttyq merekelik sharasyn jáne Nur-Sultan jáne Almaty qalalarynda Koreıa mádenı festıvalin offlaın ótkizip, kúndelikti ómirge oralýǵa jetekshilik etip jatyr. Koreıa Qazaqstannyń eń jaqyn dosy retinde COVID-19 aıaqtalǵansha birge bolady», - dedi elshi Ký Hong-sok.

Óz kezeginde Parlament Májilisiniń depýtaty Irına Smırnova qıyn kezeńde Koreıa Qazaqstanǵa gýmanıtarlyq kómek pen rýhanı qoldaý kórsetkenin atap ótti jáne COVID-19 vırýsymen kúresý úshin aldyńǵy shepte kúresip jatqan qazaqstandyq dárigerlerge kórsetilgen qoldaý úshin alǵys aıtty.

«Elshiliktiń qoldaýymen KOICA túlekter qaýymdastyǵy bıyl ekinshi ret qaıyrymdylyq kómekti tapsyryp jatyr. Bul zattar Nur-Sultan jáne Almaty qalalary, Almaty, Aqmola, Qaraǵandy oblystaryndaǵy epıdemıolog-dárigerge jekiziledi», - dedi KOICA túlekteri qaýymdastyǵynyń prezıdenti Gúldana Sadyqova.


Avtor Aıjan Serikjanqyzy
Basty sózder: Koronavırýs, Medıtsına,
Joǵary qaraı