Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koreı mádenı ortalyǵy saýalnamaǵa qatysqan qazaqstandyqtarǵa syılyq bermek

2021 jyldyń 28 qarasha 2021 16:46

NUR-SULTAN. QazAqparat – Qazaqstandaǵy Koreı mádenı ortalyǵy osy jyldyń 19 qarasha men 3 jeltoqsan arasynda atalǵan mádenı ortalyqqa qatysty saýalnama ótkizýde. Oǵan barlyq qazaqstandyqtar qatysa alady, dep habarlaıdy QazAqparat.

20 suraqtan quralǵan saýalnamany Koreı mádenı ortalyǵynyń resmı saıtynan júktep, eki apta ishinde kez kelgen qazaqstandyq azamat toltyra alady. Suraqtardyń ishinde mádenı ortalyqtyń jalpy jumysyna qatysty pikirler men usynys aıtý jaǵy da qarastyrylǵan.

Júrgizilgen saýalnama nátıjesi boıynsha erekshe ıdeıalar men usynys avtoryna Koreı mádenı ortalyǵynyń 2022 jylǵy is-sharalaryna jáne kýrstaryna qatysýǵa sertıfıkattar syı retinde berilmek.

«Biz osy jyly Koreı mádenı ortalyǵynyń qyzmetine qyzyǵýshylyq tanytqan barlyq azamattarǵa zor alǵys bildiremiz. 2022 jyly biz qazaqstandyqtar úshin barynsha qyzyqty ári tanymdyq mádenı sharalar ótkizýdi josparlap otyrmyz», - dedi Koreı mádenı ortalyǵynyń dırektory Lı Heran.

Aıta ketsek, Qazaqstandaǵy Koreıa Respýbıkasynyń Elshiligi janynan jumys isteıtin mádenı ortalyq kóptegen sharalarǵa muryndyq bolyp keledi.


Joǵary qaraı