Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qordaıda vaktsına shyǵaratyn zaýyt qyzmetkerlerine arnap úsh úı salynýda

2021 jyldyń 16 maýsym 2021 21:14

TARAZ. QazAqparat – Berdibek Saparbaev Qordaı aýdanynyń ákimi Rústem Dáýletpen birge Qordaı aýdanynyń Gvardeısk kentindegi bıofarmatsevtıkalyq zaýytqa baryp, ondaǵy jumystarmen tanysty ,- dep habarlaıdy QazAqparat tilshisi.

Ǵylymı-zertteý kesheninde kezekti shtab otyrysy ótip, mańyzdy mindetter talqylandy. Basqosýda zaýyt jumysshylary úshin salynyp jatqan turǵyn úı qurylysynyń qarqynyn arttyrý jaıy da nazarǵa alyndy. Qazirgi ýaqytta ǵylymı mekemege irgeles aýmaqta úsh kóppáterli turǵyn úı salynýda. Merdiger – «BazısDorStroı» JShS.

Qurylysshylardyń aıtýynsha, alǵashqy 60 páterli úı aıaqtalýǵa jaqyn. Aldaǵy eki aıda ol paıdalanýǵa berilmek. «Agrospetsstroı» JShS salyp jatqan qalǵan eki úıdi aǵymdaǵy jyldyń qazan aıynda paıdalanýǵa berý josparlanǵan.

Sondaı aımaq basshysy jumys sapary barysynda Otardaǵy Serik Ermekov basqaratyn «Sulý Tóre» sharýa qojalyǵynyń egistik alqabyna bardy. Sharýa qojalyq – Qordaı aýdanynyń iri agroqurylymdarynyń biri. Osydan bes jyl buryn qurylǵan qojalyq negizinen egistikke mamandanǵan. Búginde quramynda 70 adamǵa deıin eńbek etetin sharýashylyqtyń óz kombaın jáne traktorlarynan turatyn aýqymdy tehnıkalyq parki jasaqtalǵan. Munda qazir zamanaýı sý únemdeý tehnologııalary iske qosylýda. Aǵymdaǵy jyly sharýashylyq eki jańbyrlatqysh qondyrǵy satyp alyp, 200 gektar arpa alqabyn sýarýda.




Berdibek Saparbaev sharýashylyq jumysy týraly oń baǵasyn bildirip, aýdan ákimi Rústem Dáýletke egin sharýashylyǵyna jańa tehnologııalardy keńinen engizýdi, jumys isteýge nıetti sharýalarǵa qoldaý kórsetýdi tapsyrdy.

Qordaı aýdanynan jumys sapary barysynda aımaq basshysy Eshkili-Qordaı sý qoımasyna da arnaıy at basyn burdy. Bir jarym tekshe mıllıon tonnaǵa deıin sý jınaýǵa qaýqarly qoımanyń Kenen aýylynyń turǵyndarynyń úı irgesindegi jerlerin sýmen qamtýdaǵy mańyzy zor. Ótken jyly jumyspen qamtýdyń jol kartasy aıasynda munda aǵymdaǵy jóndeý jumystary júrgizilgen. Naqtyraq aıtsaq, qubyrlar aýystyrylyp, bóget pen jaǵalaýlary qosymsha nyǵaıtylǵan.





Avtor Saıa Sembaı
Basty sózder: Ákim, Qurylys, Aımaq, Jambyl oblysy,
Joǵary qaraı