Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qor esebinen búkil áleýmettik máseleni sheshý múmkin emes - «Qazaqstan halqyna» qorynyń basshysy

2022 jyldyń 22 qańtar 2022 13:08

NUR-SULTAN. QazAqparat - «Qazaqstan halqyna» qorynyń basqarma tóraǵasy Bolat Jámishev qorǵa túsken qarajat esebinen eldiń áleýmettik problemasyn tolyqtaı sheshý múmkin emestigin jetkizdi. Sondaı-aq, qor basshysy túsip jatqan qarjynyń aldymen qaıda jumsalatynyn aıtty, dep habarlaıdy QazAqparat tilshisi.

«Barshanyń nazaryna taǵy bir qaıtalap aıtqym keledi. Qor esebinen búkil áleýmettik máseleni sheshý múmkin emes. ıAǵnı, eldegi kedeılik, jumyssyzdyq qor jumysy arqyly sheshilmeıdi. Árıne, qaıyrymdylyq esebinen belgili bir kólemde muqtaj jandardyń problemasyn sheshýge bolady. Biz qoldan kelgenshe barshany qamtýǵa tyrysamyz, degenmen kómek aldymen asa muqtaj jandarǵa baǵyttalady», - dedi Bolat Jámishev OKQ-de onlaın ótken baspasóz máslıhatynda.

Onyń aıtýynsha, qorǵa qarjy aýdarǵan ár adamnyń onyń qaıda jumsalyp jatqany týraly bilýge tolyq quqyǵy bar.

«Qordyń jumysy ashyq júrgiziledi. Qor qyzmetine qatysty barlyq aqparattar bizdiń saıtta jarııalanady. ıAǵnı, qansha qarjy túsip jatyr, ol qaıda jumsalyp jatyr barlyǵy ashyq kórsetiledi. Ashyqtyq - biz kózdep otyrǵan basym baǵyttyń biri», - deıdi ol.

Buǵan deıin Bolat Jámishev «jańa qor - bızneske qosymsha salyq salýdyń bir túri» degen pikirge túsinik bergen edi.


Joǵary qaraı