Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kópbalaly otbasy balalary jazǵy lagerge tegin joldamany qalaı alady

2022 jyldyń 19 mamyr 2022 17:17

NUR-SULTAN. QazAqparat - Kópbalaly otbasy balalary jazǵy lagerge tegin joldamany qalaı alady? Bul saýalǵa BǴM balalardyń quqyǵyn qorǵaý komıteti tóraǵasynyń orynbasary Elına Paýlı jaýap berdi, dep habarlaıdy QazAqparat.

Onyń aıtýynsha, eń aldymen bilim mekemesiniń birinshi basshysynyń atyna ótinish jazý kerek.

Jazǵy saýyqtyrý lagerine tegin joldama myna sanattaǵy otbasy balalaryna beriledi:

- memlekettik ataýly áleýmettik kómek alýǵa quqyǵy bar otbasylardan shyqqan balalarǵa;

- jan basyna shaqqandaǵy tabysy eń tómengi kúnkóris deńgeıiniń shamasynan tómen otbasylardan shyqqan balalarǵa;

- jetim jáne ata-ana qamqorlyǵynsyz qalǵan balalarǵa;

- tótenshe jaǵdaı saldarynan shuǵyl járdemdi talap etetin otbasynan shyqqan balalarǵa;

- mekteptiń qamqorshylyq keńesi anyqtaıtyn ózge de sanattaǵy bilim alýshylar men tárbıelenýshilerge.

«Balalardyń jazǵy demalysyn uıymdastyrý jáne joldama berý jergilikti atqarýshy organdardyń quzyretinde jáne olardyń qarajatyna baılanysty úlestiriledi. Jazǵy ýaqytta 11 myńnan astam mektep janyndaǵy jáne qala syrtyndaǵy saýyqtyrý lageri jumys isteıdi. Bıyl ótken jylmen salystyrǵanda jarty mıllıon nemese 500 000-ǵa artyq bala lagerde demalady. Al jazǵy saýyqtyrý demalysymen qamtylatyn balalardyń jalpy sany 2 mln 300 myńnan asady»,- deıdi balalardyń quqyǵyn qorǵaý komıteti tóraǵasynyń orynbasary Elına Paýlı.



Joǵary qaraı