Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Konstıtýtsııaǵa túzetý yqpaldy Parlamenti bar respýblıkaǵa kóshýdi bekitedi - senator

2022 jyldyń 14 mamyr 2022 00:25

NUR-SULTAN. QazAqparat - Konstıtýtsııaǵa túzetý sýperprezıdenttik basqarý formasynan yqpaldy Parlamenti men esep beretin Úkimeti bar respýblıkaǵa kóshýdi bekitýge arnalǵan. Bul týraly Senat depýtaty Muhtar Qul-Muhammed BUU Ortalyq Azııadaǵy bosqyndar isi jónindegi Joǵarǵy komıssary basqarmasynyń ókili Hans Shoddermen kezdesýde aıtty, dep habarlaıdy QazAqaparat.

«Konstıtýtsııalyq reforma bıliktiń ókildi tarmaǵyn edáýir kúsheıtip, tejemelik ári tepe-teńdik júıesin nyǵaıtýy tıis. Osyǵan baılanysty, aldaǵy referendým árbir azamatqa ekinshi respýblıkaǵa kóshýdi aıqyndaıtyn tarıhı oqıǵaǵa tikeleı qatysýǵa múmkindik beredi», - dep atap ótti Muhtar Qul-Muhammed.

Ol BUU-men yntymaqtastyq Qazaqstannyń syrtqy saıasatynyń negizgi basymdyǵy ekenin de jetkizdi. Bizdiń elimiz BUU-nyń bosqyndar quqyqtaryn saqtaý men qorǵaý salasyndaǵy qundylyqtary men maqsattaryn qorǵaý jónindegi jetekshi halyqaralyq agenttik retinde Basqarmanyń qyzmetin joǵary baǵalaıdy.

Hans Shodder óz kezeginde bizdiń elimizdiń osy baǵytta júrgizip jatqan jumysyn joǵary baǵalady jáne adamdardyń quqyqtaryn qorǵaý jónindegi birlesken qyzmet Qazaqstan men BUU arasyndaǵy qarym-qatynasty jaqsartyp qana qoımaı, olardy jańa deńgeıge kóteretinin málimdedi.

«Biz Aýǵanstanǵa járdemdesý jónindegi mıssııany jáne Aýǵanstanda tirkelgen BUU-nyń basqa da agenttikterin Almatyda ýaqytsha ornalastyrǵany úshin Qazaqstan basshylyǵyna erekshe alǵysymyzdy bildiremiz. Almatyda BUU-nyń óńirlik habyn qurýǵa keletin bolsaq, ol Ortalyq Azııa men Aýǵanstandaǵy Basqarma isine qarqyn berýmen qatar qyzmetiniń nátıjeli bolýyn aıtarlyqtaı arttyrady», - dedi BUU Bosqyndar isteri jónindegi Joǵarǵy komıssary basqarmasynyń óńirlik ókili.


Basty sózder: Parlament, BUU, Aýǵanstan,
Joǵary qaraı