Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Konstıtýtsııada jerge qatysty jańa tujyrym keıin zańdy árkelki tápsirleýge jol bermeıdi - depýtat

2022 jyldyń 19 mamyr 2022 20:48

NUR-SULTAN. QazAqparat – Konstıtýtsııanyń respýblıkalyq referendýmǵa shyǵarylatyn jerge qatysty jańa tujyrymy keıin zańdy árkelki tápsirleýge jol bermeıdi. QR Májilis depýtaty Ǵalymjan Eleýov osyndaı pkiri bildirdi, dep habarlaıdy QazAqparat tilshisi.

«Konstıtýtsııadaǵy jerge jáne jer qoınaýyna qatysty menshik máselesi týraly baptyń tujyrymy keleshekte árkelki tápsirleý yqtımaldyǵyn joıady. Jer - bizdiń ulttyq biregeıligimizdiń negizi bolýǵa tıis. Sondyqtan Prezıdent bul máselege núkte qoıýdy jón kórip otyr. Bul - qalypty protsess. Memleket jer qoınaýynyń tıimdi bólinip, tıimdi ıgerilýin baqylaıdy. Jer men jer qoınaýyn memlekettiń basqarýy Qazaqstan halqyna áleýmettik járdemaqy, turǵyn úı baǵdarlamasy, ınfraqurylymdy damytý, jumyspen qamtý baǵdarlamalary sııaqty ıgilikter ákeledi», - deıdi depýtat.

Onyń aıtýynsha, konstıtýtsııalyq reforma aıasynda usynylyp otyrǵan tejemelik ári tepe-teńdik júıe Prezıdenttiń ókilettigin álsiretý arqyly Parlamenttiń ókilettigin kúsheıtedi.

«Zań qabyldaýdyń jańa rásimi engiziledi. Zańdy Parlament Májilisi qabyldaıdy, al ony iske asyratyn depýtattar saıası báseke negizinde saılanady. Májilistegi Qazaqstan halqy Assambleıasynyń kvotasy joıylady. Konstıtýtsııalyq zańdar Parlament palatalarynyń birlesken otyrysynda qabyldanady», - dedi Ǵalymjan Eleýov.

Sondaı-aq, ol referendýmda Konstıtýtsııaǵa engiziletin ózgerister men túzetýler halyq tarapynan qoldaý tapsa, Májilistiń baqylaý fýnktsııalary kúsheıtiletinin aıtady.

«Konstıtýtsııalyq sot sheshim qabyldaǵan kúnnen bastap nemese ol belgilegen kúnnen bastap konstıtýtsııalyq emes dep tanylǵan aktilerdiń kúshi joıylady jáne qoldanylýǵa jatpaıdy. Konstıtýtsııalyq sottyń mundaı modeli kóptegen damyǵan elderde bar jáne zańnyń ústemdigin ornatýǵa múmkindik beredi. Sonymen qatar, Konstıtýtsııalyq sotqa júginý quqyǵyn Bas prokýror men adam quqyqtary jónindegi ýákil alady. Konstıtýtsııalyq sottyń ózi 11 sýdıadan turady. Onyń ishinde Prezıdent Senattyń kelisimimen taǵaıyndaıtyn tóraǵa bolady. Tórt sýdıany Prezıdent taǵaıyndaıdy, alty sýdıany Parlament, ár palata úsh-úshten taǵaıyndaıdy», - dedi Májilis ókili.

Buǵan deıin taǵy bir Májilis depýtaty Ǵanı Tashqaraev referendým Senattyń yqpalyn azaıtyp, Májilistiń rólin arttyrady deý qate degen paıym aıtqan bolatyn.


Joǵary qaraı