Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kongodaǵy  keme apaty: 180 adam iz-tússiz joǵaldy

2022 jyldyń 21 qańtar 2022 11:42

KINShASA.Sınhýa-QazAqparat – Kongo Demokratııalyq Respýblıkasynyń soltústik-batysynda Kongo ózenindegi keme apaty saldarynan kem degende 180 adam iz-tússiz joǵaldy. Bul týraly jergilikti bılik málimdedi, dep habarlaıdy QazAqparat Sınhýa agenttine silteme jasap.

Mbandakı (Ekvator provıntsııasynyń ákimshilik ortalyǵy) ózen komıssary Mboıo qaıǵyly oqıǵa týraly málim etkenimen naqty derekterdi aıtqan joq.

Eski kemege 600-ge jýyq jolaýshy artyq mingen, dep habarlady BUU qoldaýyndaǵy BAQ-tyń biri Radio Okapi keıbir aman qalǵandardyń kýáligine silteme jasap.

«Kemede adam deneleri qaldy. Biz kem degende úsh adamnyń máıitin kórdik. Biraq olardyń naqtys sanyn bilmeımiz, sebebi iz-tússiz joǵalǵandar kóp», - dep habarlady kýálerdiń biri.

Búkil KDR-da, ásirese Kongo ózeninde keme apattary jıi oryn alýda. Oǵan kemelerdiń ádette túngi ýaqytta júrýi, shamadan artyq júk tıeýi, sondaı-aq olardyń nashar jaǵdaıy sebep bolyp otyr.


Basty sózder: Álem, Oqıǵa,
Joǵary qaraı