Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kompıýterlik tomografııadan ótý qyzmeti: Elordalyqtar shaǵymyna túsinikteme berildi

2021 jyldyń 12 mamyr 2021 19:19

NUR-SULTAN. QazAqparat – Áleýmettik medıtsınalyq saqtandyrý qoryna qarasty Medıtsınalyq kómek sapasyn monıtorıngileý departamentiniń dırektory Lázzat Shomanova kompıýterlik tomografııadan ótý qyzmetine qatysty shaǵymdarǵa túsinikteme berdi, dep habarlaıdy QazAqparat tilshisi.

«Elordada kompıýterlik tomografııaǵa kezek bar ekeni ras. Nur-Sultan qalasy Densaýlyq saqtaý basqarmasynyń aqparaty boıynsha, elordadaǵy kompıýterlik tomografııa problemasy sheshilgen. ıAǵnı, mobıldi brıgada naýqastardy kompıýterlik tomografııaǵa aparyp, kúni boıy tomografııadan ótýine múmkindik jasaıdy. Tek ol úshin, emdeýshi dárigerdiń joldamasy bolýy kerek. ıAǵnı, aldymen mobıldi top kelip, temperatýra men satýratsııany ólsheıdi. Eger ókpeniń zaqymdanǵany týraly kúdik bolsa, onda kompıýterlik tomografııa tekserisi taǵaıyndalady», - dep túsindirdi Lázzat Shomanova Ortalyq kommýnıkatsııalar qyzmetinde.

Qordyń ókili barlyq medıtsınalyq qyzmetterdiń qoljetimdiligi qatań baqylaýda ekenin atap ótti.

«Barlyq ótinishterge jaýap beremiz, sondaı-aq shaǵym túsken uıymǵa arnaıy baryp, jospardan tys monıtorıng júrgizemiz. Biz jaǵdaıdy sol jerde sheshýge tyrysamyz. Proaktıvti monıtorıng nátıjesinde keıbir jetkizýshilerde bul qyzmet joq ekeni belgili boldy. Arnaıy baryp tekserýdiń arqasynda kóptegen jetkizýshiler qyzmetin durys uıymdastyryp, naýqastardyń ótinishterine, olardyń shaǵymdaryna burynǵydan áldeqaıda muqııat qaraı bastady», - deıdi Medıtsınalyq kómektiń sapasyn monıtorıngileý departamentiniń dırektory.


Joǵary qaraı