Aýa raıy
Astana -14 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Kommýnıster saılaýǵa qatysady: QKHP-nyń arnaıy málimdemesi

2020 jyldyń 23 qazan 2020 17:47

NUR-SULTAN. QazAqparat - 23 qazanda Nur-Sultan qalasynda Qazaqstan Kommýnıstik Halyq partııasy Ortalyq Komıteti Saıası Bıýrosynyń otyrysy ótti. Otyrys barysynda 2021 jylǵy 10 qańtardaǵy QR Parlamenti Májilisi men máslıhattar depýtattaryn saılaýǵa qatysý týraly sheshim qabyldandy. Kezekten tys Sezd shaqyrylyp, partııanyń arnaıy málimdemesi jasaldy, dep habarlaıdy atalǵan partııanyń baspasóz qyzmeti.

QazAqparat oqyrman nazaryna málimdeme mátinin usynady.

***

2021 jylǵy 10 qańtardaǵy QR Parlamenti Májilisiniń kezekti saılaýyna qatysý týraly Qazaqstan Kommýnıstik Halyq partııasynyń Málimdemesi

Búgin ótken Saıası Bıýronyń qorytyndysy boıynsha Qazaqstan Kommýnıstik Halyq partııasy aldaǵy máslıhattar men QR Parlamenti Májilisiniń kezekti saılaýyna qatysatynyn málimdeıdi.

2020 jylǵy 11 qarashada Qazaqstan Kommýnıstik Halyq partııasy túpkilikti sheshim qabyldaý, partııalyq tizim men saılaýaldy tuǵyrnamany bekitý úshin joǵary partııa organynyń – Sezd otyrysyn uıymdastyrady.

Partııa músheleri men Májilistegi bizdiń fraktsııa birqatar ózekti áleýmettik máselelerdi talqylaýǵa bastamashy boldy. Sondaı-aq qazaqstandyqtardyń ál-aýqatyn arttyrýǵa jáne jalpy áleýmettik salany damytýǵa baǵyttalǵan mańyzdy zańdardy qabyldaýǵa qomaqty úles qosty.

Biz QKHP músheleriniń Parlamenttegi jáne máslıhattardaǵy ókildigin ulǵaıtýdy, onda tıimdi zańnamalyq jumysty jalǵastyrýdy, sondaı-aq jergilikti ókildi organdardyń jumys deńgeıin arttyrýdy kózdep otyrmyz.

Ol úshin memlekettiń kóptegen ózekti máselelerin jáne azamattardyń suranystaryn sheshý usynystaryn qarastyratyn saılaý aldyndaǵy baǵdarlama ázirlenýde.

Bizdiń basymdyqtarymyzdyń biri depýtattyqqa quzyretti kandıdattardy, onyń ishinde áıelder men jastardy usyný bolmaq. Bul maqsatty aýdıtorııany jáne sheshiletin máseleler aýqymyn edáýir keńeıtedi.

Qarjy daǵdarysy, pandemııa, álemdegi áleýmettik jáne saıası turaqsyzdyq jaǵdaıynda Qazaqstan halqy durys tańdaý jasaıtynyna senimdimiz.


Avtor Álı Ibraev
Basty sózder: Partııalar, Saılaý,
Joǵary qaraı