Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Komıtet zeınetaqy jınaǵynan salyq qalaı alynatynyn túsindirdi

2021 jyldyń 26 aqpan 2021 11:55

NUR-SULTAN. QazAqparat - QR QM Memlekettik kirister komıteti zeınetaqy tólemderine salyq salý jóninde azamattardan kelip túsip jatqan ótinishter men suraýlarǵa baılanysty, qosarlanǵan salyq salý týraly alańdaýǵa negiz bar ma, osyǵan túsindirme berdi, dep habarlaıdy QazAqparat.

Agentter (jumys berýshiler) jeke tulǵalardan ustap qalǵan mindetti zeınetaqy jarnalaryna jeke tabys salyǵy (JTS) salynbaıdy, dál osyndaı tártip mindetti kásiptik zeınetaqy jarnalaryna da qatysty. Zeınetaqy jarnalarynyń somasyn ustap qalý kezinde JTS salynbaýyna baılanysty zeınetaqy jınaqtarynyń somasyna tólegen kezde bir ret qana salyq salynady, tıisinshe qosarlanǵan salyq salýǵa jol berilmeıdi , dedi QR QM Memlekettik kirister komıtetinde.

Sondaı-aq, Memlekettik kirister komıtetinde ekinshi tásilmen tólenetin birjolǵy zeınetaqy tólemderine salyq salý tártibine qatysty egjeı-tegjeıli aıtyp berdi. Bul tásil BJZQ belgilegen keste boıynsha (zeınetaqy aýdarý bastalǵan kelesi aıdan bastap) 16 jyldan aspaıtyn merzim ishinde aı saıyn teń úlestermen JTS ustap qalýdy kózdeıdi.

Tolyqtaı túsiný úshin bul tásildi mysal retinde qarastyrýdy usynylǵan.

Mysal keltireıik:

salymshynyń JZSh-syndaǵy zeınetaqy jınaqtarynyń somasy = 8 500 000 teńge, jetkiliktilik shegi = 3 500 000 teńge,

birjolǵy zeınetaqy tólemi = 5 000 000 teńge (8 500 000 -3 500 000),

eseptelgen JTS somasy = 5 000 000 (tolyq kólemde) * 10%= 500 000 teńge,

birjolǵy zeınetaqy tólemi túrindegi kiris somasy = 5 000 000 teńge,

JTS zeınetaqydan kelesideı túrde ustalady:

Eseptelgen JTS somasy 16 jylǵa, ıaǵnı 192 aıǵa bólinedi.

Sonymen, 500000/192 = 2604teńge – aı saıyn zeınetaqydan keıinge qaldyrylǵan JTS somasy ustalatyn bolady.

«Eger jeke tulǵa Qazaqstan Respýblıkasynan tys jerlerge turaqty turýǵa ketýge nemese zeınetaqy jınaqtarynyń somalaryn saqtandyrý uıymdaryna aýdarýǵa sheshim qabyldasa, onda keıinge qaldyrylǵan jeke tabys salyǵynyń somasy tolyq birjolǵy tólemmen ustalatyn bolady.

Eger jeke tulǵa qaıtys bolsa – osy jeke tulǵanyń muragerlerinen muraǵa qalǵan zeınetaqy jınaqtarynan, keıinge qaldyrylǵan jeke tabys salyǵynyń somasy bir ret ustalatyn bolady», - dep tolyqtyrdy QR QM MKK-niń Baspasóz qyzmetinde.

Eske salsaq, 2 qańtarda QR Prezıdenti Qasym-Jomart Toqaev zeınetaqy jınaǵynyń bir bóligin maqsatty paıdalanýǵa qatysty zańǵa qol qoıdy.

Qazaqstandyqtardyń zeınetaqy jınaqtaryn paıdalaný úshin jańartylǵan «jetkiliktilik shegi» jarııalandy. Zeınetaqy jınaǵynan alýǵa bolatyn soma BJZQ saıtynda avtomatty túrde kórsetiledi. Buǵan deıin de zeınetaqy jınaǵyn paıdalaný kezindegi salyqty tóleý joldaryn túsindirildi.


Joǵary qaraı