Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kómir ónerkásibi salasyna qysym jasalyp otyr - Serikqalı Brekeshev

2021 jyldyń 27 qazan 2021 14:54

NUR-SULTAN. QazAqparat – 2015 jyldan beri salynyp jatqan kómir elektr stansalarynyń sany dúnıejúzinde 84 paıyzǵa azaıǵan. Bul týraly QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilshisi.

«Qazaqstan Respýblıkasy jahandyq temperatýranyń 2 gradýstan astam ósýine jol bermeý jónindegi Parıj kelisiminiń temperatýralyq maqsatyna qol jetkizý jolyndaǵy kúsh-jigerdi jandandyrý jáne ambıtsııalardy arttyrý jónindegi jahandyq kún tártibin tolyq qoldaıdy. «Global Carbon Atlas» platformasynyń 2019 jylǵy málimetine sáıkes, Qazaqstan kómirqyshqyl gazynyń shyǵaryndylary boıynsha 221 eldiń ishinde 21-shi, jan basyna shaqqandaǵy shyǵaryndylar boıynsha 11-shi jáne JІÓ kómirtek syıymdylyǵy boıynsha 5-shi orynda. 2019 jyly ulttyq parnıktik gaz shyǵaryndylary 364 mıllıon tonnadan astam boldy»,- dedi mınıstr ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, klımattyń ózgerýi jáne parnıktik gazdardyń shyǵaryndylaryn azaıtý qajettiligi iri sektorlardy kómirteksizdendirý arqyly álemdik ekonomıkany damytý baǵytyn transformatsııalaýǵa ákeledi.

«Parıj kelisiminiń maqsatyna jetý úshin kóptegen elder kómirtegi beıtaraptyǵy maqsaty jóninde málimdeýde. Halyqaralyq qarjy ınstıtýttary tómen kómirtekti tehnologııalardy damytýdyń paıdasyna kómirmen baılanysty jobalardan tolyǵymen bas tartty. Bul kómir ónerkásibi salasyna qysym jasaýǵa ákelýde. «CarbonTracker» taldaý ortalyǵynyń zertteýlerine sáıkes, 2015 jyldan beri salynyp jatqan kómir elektr stantsııalarynyń sany dúnıejúzinde 84 paıyzǵa azaıǵan»,- dedi Serikqalı Brekeshev.


Joǵary qaraı