Komendatýra: Atyraý oblysynda búlikke qatysqandardy uryp-soǵyp jatyr degen aqparat - jalǵan
NUR-SULTAN. QazAqparat - Áleýmettik jelilerde Atyraýda «Dınamo» sport zalyn mıtıngige qatysqandardy uryp-soǵatyn jerge aınaldyrǵany týraly habarlama taralyp jatyr, dep habarlaıdy QazAqparat stopfake.kz saıtyna silteme jasap.
Quqyq qorǵaý organy qyzmetkerleri soqqyǵa jyqqandardyń arasynda blogerler, azamattyq belsendiler jáne qarapaıym turǵyndar bar eken. Atyraý oblysynyń komendatýrasynyń habarlaýynsha, bul aqparat – feık.
– Atyraý oblysynyń komendatýrasy áleýmettik jelilerde «Dınamo» sport kesheninde jappaı tártipsizdikterge qatysqan azamattardy uryp-soǵý týraly taratylǵan aqparat shyndyqqa janaspaıdy dep habarlaıdy. Jaqyndaryn nemese týystaryn joǵaltqan adamdardan 102 operatoryna nemese 98-10-04 nómiri boıynsha habarlasýlaryn suraımyz, – dep habarlady vedomstvonyń baspasóz qyzmeti.
