Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kolledjderdiń 5 200 oqytýshysy iri kásiporyndarda óndiristik tájirıbeden ótti

2022 jyldyń 23 mamyr 2022 09:45

NUR-SULTAN. QazAqparat - Qazaqstandyq kolledjderdiń 5 200 oqytýshysy biliktilikterin arttyrý maqsatynda iri kásiporyndarda óndiristik tájirıbeden ótti, dep habarlaıdy QazAqparat.

Byltyr Bilim jáne ǵylym mınıstrligi kolledj oqytýshylarynyń jańa tehnologııalardy aýdıtorııada emes, salalyq kásiporyndar men mekemelerdiń bazasynda oqytý úshin kelissózder júrgizip, kelisimderge qol jetkizgen bolatyn. Nátıjesinde pedagogter «ArselorMıttal» AQ, «AgromashHoldıng» AQ, «QazTransGaz Aımaq» AQ, «QazAtomÓnerkásip» MAEK, «Astana elektrotehnıkalyq zaýyty» JShS jáne basqa da kásiporyndarda taǵylymdamadan ótti.

Oqytýshylardyń aıtýynsha, oqytýdyń mundaı formaty olarǵa jumys berýshilerdiń kolledj túlekterine qoıatyn talaptarymen tereńirek tanysýǵa jáne jumys berýshilerdiń suranystary negizinde oqytý baǵdarlamalary men ádisterin qaıta qaraýǵa múmkindik beredi.

«7 jyldan beri arnaıy pánder oqytýshysy bolyp qyzmet etip kelemin. Men mundaı formattaǵy kýrsqa alǵash ret qatysyp otyrmyn. Uıymdastyrýshylar bizge praktıkalyq bilim alýǵa múmkindik berdi. Men óndiristik tájirıbeden Almaty elektromehanıkalyq zaýytta óttim. Taǵylymdama kezinde jumys protsesin zerttep, kásiporyn qyzmetkerlerin baqylaı otyryp, kolledjdegi sabaǵymda qoldanatyn bilim aldym. Meniń oıymsha, bul tájirıbe muǵalimderge bilim berý baǵdarlamalarynyń mazmunyn túsinýge kómektesedi. ıAǵnı stýdentterge teorııalyq qana emes, praktıkalyq bilim de beremiz», - dep túsindirdi Almaty memlekettik elektromehanıkalyq kolledjiniń arnaıy pánder oqytýshysy Aıdana Jumamuratova.

Aıta keteıik, taǵylymdamadan tek pedagogter ǵana emes, kolledj basshylary da ótti. Mundaı oqytý formaty áli de jalǵasyn tabady.


Joǵary qaraı