Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kóliktiń qosymsha jabdyqtaryn májbúrlep qosa satqan dıler 4,7 mln teńgege deıin aıyppul tóleıdi – agenttik

2022 jyldyń 26 mamyr 2022 11:16

NUR-SULTAN. QazAqparat - «Tutynýshylardyń quqyqtaryn qorǵaý týraly» Zańda májbúrli assortımentpen taýarlardy satýǵa tyıym salynǵan jáne bul ahýal tutynýshylar quqyǵyn qorǵaý organdarynyń aralasýyna negiz bolady, dep habarlaıdy QazAqparat.

«Eger mundaı áreketter osy jabdyqty jetkizýshi basqa da naryq sýbektilerine zalal keltirse nemese zalal keltirýi múmkin bolsa, bul monopolııaǵa qarsy zańnamanyń buzylýy bolyp sanalady. Jeńildetilgen nesıemen kólik alý barysynda osyndaı quqyzbuzýshylyq jasaǵan avtodıler 200-den 1500 AEK-ke deıingi, ıaǵnı 4 mln 770 myń teńgege deıingi somada aıyppul túrindegi ákimshilik jaýapkershilikke tartylýy múmkin. Nemese sýbektini naryqta ústem retinde tanyǵany úshin monopolııalyq kirisi tárkilenip, tabysynyń (túsimniń) 3-ten 5 %-na deıingi mólsherinde aınalym aıyppulyna ákep soǵady», - dep jazdy Básekelestikti qorǵaý jáne damytý agenttiginen.

Monopolııaǵa qarsy organ avtodılerlerge tutynýshylarǵa qosymsha jabdyqtardy qosa satý derekterine jol bermeýdi e skertedi. Qazirgi tańda jeńil avtomobılderdi bastapqy bólshek saýdada ótkizý naryǵyn taldaý sharalary bastalyp ketti.

Avtomobılderdi satý kezinde qosymsha jabdyqtardy kúshtep tańý faktileri oryn alǵan jaǵdaıda, tutynýshylardyń quqyqtaryn qorǵaý jáne monopolııaǵa qarsy organdarǵa júginý kerek.


Basty sózder: Nesıe, Kólik, Nur-Sultan,
Joǵary qaraı