Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kólik satyp alýǵa kelgen adamdy pyshaqtap, 10 mln teńgesin alyp ketken

2021 jyldyń 13 qazan 2021 09:55

ALMATY. QazAqparat – Almaty oblysynyń turǵyny ózinen kólik satyp alýǵa kelgen azamatty pyshaqtap, 10 mln teńgesin alyp ketti, dep habarlaıdy QazAqparat Polisia.kz saıtyna silteme jasap.

«Eńbekshiqazaq aýdany Polıtsııa basqarmasynyń kezekshi bólimine aýdandyq aýrýhanaǵa arqa tusyna suǵylǵan pyshaq jaraqaty bar 33 jastaǵy Almaty qalasynyń turǵyny jetkizilgeni týraly habar tústi. Aýrýhanaǵa jetken jedel-tergeý toby atalǵan faktini rastap, izdeý sharalaryn bastap ketti. Keıin satýshymen kezdesý kezinde kúdikti sýyq qarý qoldanyp, zardap shegýshiden 10 mıllıon teńge kóleminde aqshasyn tartyp alǵany anyqtaldy», - dedi Eńbekshiqazaq aýdany Polıtsııa basqarmasynyń bastyǵy Jaqsylyq Altynbaev.




Zardap shegýshi kúdiktiden Tayota Camry 70 avtokóligin satyp almaq bolǵan. Kezdesý jáne aqshany berý Esik qalasynda ótken.

«Az ýaqyttyń ishinde jedel qyzmetkerler er adamdy anyqtap, ustady. Ony zardap shegýshi men kýáger tanydy. Ol – 22 jastaǵy Esik qalasynyń turǵyny bolyp shyqty. Qazirgi kezde oǵan qatysty QR QK-niń 192-baby 4-bóligi 1-tarmaǵy boıynsha qylmystyq óndiris qozǵaldy. Kúdikti jasaǵan qylmysyn moıyndady. Qazirgi kezde ýaqytsha ustaý ızolıatoryna qamalǵan», - dep qosty Jaqsylyq Altynbaev.


Joǵary qaraı