Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Kólik polıtseıleri jolaýshylardyń mazasyn alǵan júrgizýshilerdi jaýapqa tartyp jatyr

2021 jyldyń 18 qańtar 2021 13:35

NUR-SULTAN. QazAqparat – Bıylǵy jyldyń basynan beri elimizdiń áýe jáne temir jol kóligi nysandarynda qoǵamdyq oryndarda jolaýshylardyń mazasyn alǵany úshin 81 azamat ákimshilik jaýapqa tartyldy.

«Onyń ishinde 15-i zańsyz taksı júrgizýshisi bar»,-dep málimdedi Kóliktegi Polıtsııa departamenti bastyǵynyń orynbasary Abzal Jumataev málimdedi.

Onyń aıtýynsha, Nur-sultan stantsııasyndaǵy Jelilik polıtsııa bólimshesiniń qyzmetkerleri «Nurly Jol» temirjol vokzalynda reıd júrgizý kezinde qoǵamdyq oryndarda mas kúıde azamattarǵa tısý faktisin anyqtady.

«Tekserý kezinde kólik polıtseıleri temirjol vokzalynyń birinshi qabatynda jeke tasymaldaý qyzmetin usyný maqsatynda, kelgen jolaýshylardyń mazasyn alyp, tıisken er adamdy anyqtap, ustady. Quqyq buzýshyǵa qatysty QR ÁQBtK-niń 449-babynyń 1-bóligi, ıaǵnı, qoǵamdyq oryndarda tártip buzý faktisi boıynsha ákimshilik hattama toltyryldy»,- dedi A.Jumataev.

«Jalpy ortaq paıdalanatyn oryndardy lastaý, qoǵamdyq oryndarda mas kúıde júrý, qańǵybastyq jáne basqa da osyǵan uqsas tártip buzý faktilerin anyqtaý maqsatynda Departamenttiń jelilik bólinisterimen barlyq áýe jáne temirjol vokzaldary, perrondar, jolaýshylar poezdary kelý jáne ketý kezeńinde, sondaı-aq júrý jolynda tekserý jumystaryn júrgizý jumystary jalǵasýda»,- dedi polıtsııa polkovnıgi.

Onyń sózine qaraǵanda, Kólik polıtsııasy QR ÁQBtK-niń 449-baby 1-bóligine sáıkes, alǵashqy ákimshilik quqyq buzýshylyq úshin eskertý jasaýǵa ne jeke tulǵalarǵa 5 AEK (14 585 teńge) mólsherinde aıyppul salýǵa quqyly.

Ákimshilik jaza qoldanylǵannan keıin zańsyz áreketin qaıtalasa,QR ÁQBtK 10 AEK (29 170 teńge) aıyppul salýǵa nemese 5 táýlikke deıingi merzimge qamaqqa alynady;

QR ÁQBtK-niń 449-babynyń 1-bóligi boıynsha alǵash ret jasalǵan osyndaı quqyq buzýshylyq úshin eskertý jasaýǵa ne jeke tulǵalarǵa 5 AEK (14 585 teńge) mólsherinde aıyppul salynady;

Sheteldikter úshin mundaı quqyq buzýshylyq úshin qamaýǵa alynyp, ne QR-nyń sheginen ákimshilik jolmen shyǵarylady.


Basty sózder: Qoǵam, Zań,
Joǵary qaraı