Aýa raıy
Astana -23 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Kólik polıtseıleri 32 myńnan astam quqyq buzýshyny ákimshilik jaýapkershilikke tartty

2020 jyldyń 30 qazan 2020 16:15

NUR-SULTAN. QazAqparat - Jyl basynan beri kólik polıtseıleri 32 myńnan astam quqyq buzýshyny ákimshilik jaýapkershilikke tartty, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.

QR ІІM Kóliktegi polıtsııa departamentiniń basshysy Ońal Bekeevtiń tóraǵalyǵymen keńeıtilgen keńes ótti. Onda departamenttiń 9 aıdaǵy jumysynyń qorytyndysy qaralyp, kólik polıtsııasynyń aldaǵy kezeńge arnalǵan negizgi mindetteri aıqyndaldy. Basqosýǵa departament apparatynyń qyzmet bastyqtary men aýmaqtyq bólinis basshylary qatysty.

Keńesti ashqan O. Bekeev elimizdiń temirjol jáne áýe kóligi nysandaryndaǵy jedel jaǵdaıǵa jan-jaqty toqtaldy.

Onyń aıtýynsha, jyl basynan beri kólik polıtseıleri áýe jáne temirjol kóligimen tasymaldanǵan 15 mıllıonnan astam azamattyń qaýipsizdigin qamtamasyz etken.

Vedomstvo basshysy qylmys sanyn 27,1%-ǵa tómendetýge qol jetkizilgenin atap ótti. 9 aıda barlyǵy 1 159 qylmystyq quqyq buzýshylyq tirkeldi. Olardyń jalpy ashylýy 91%-dy qurady.

Túrli quqyq buzýshylyqtary úshin 32 498 azamat ákimshilik jaýapkershilikke tartyldy. Sondaı-aq, esirtkiniń zańsyz taralý faktilerin anyqtaýǵa jáne jolyn kesýge baǵyttalǵan sharalar iske asyryldy. Departament bólinisteriniń kúshimen 155 keliden astam ártúrli esirtki zaty tárkilendi.

Keńes barysynda Prezıdenttiń Qazaqstan halqyna Joldaýyn iske asyrý, sonyń ishinde ishki ister organdaryn reformalaý, «halyq únine qulaq asatyn memleket» tujyrymdamasy aıasynda polıtsııa jumysynyń ashyqtyǵy men aıqyndyǵyn qamtamasyz etý jónindegi máseleler keńinen talqylandy.

«Bul Memleket basshysynyń naqty tapsyrmasy. Birinshiden, polıtsııada tek kásibı mamandar qyzmet etýi qajet. Ekinshiden, bolashaq polıtsııa qyzmetkeriniń joǵary moraldyq qasıetteri, adal, ádepti jáne dene daıyndyǵy da shyńdalǵan bolýy qajet. Ol qandaı mańyzdy laýazymda qyzmet atqaratynyn jáne qanshalyqty jaýapty ekenin tolyqqandy túsinýi qajet», - dedi O. Bekeev.

Budan soń, birqatar aýmaqtyq bólinis basshylarynyń baıandamasy tyńdaldy.

Shara barysynda kadr saıasatyna basa nazar aýdaryldy. Sonymen qatar, polıtseılerdiń qyzmettik-jaýyngerlik daıyndyq deńgeıin kóterý jáne jeke quram arasyndaǵy tártipti nyǵaıtý máseleleri aıtyldy.

O. Bekeev keńesti qorytyndylaı kele, bólinis basshylaryna jedel qyzmetti kúsheıtý, qylmystardy izin sýytpaı ashý, quqyqbuzýshylyqtardyń aldyn alý, adamdar kóp shoǵyrlanatyn temir jol qozǵalysynda, áýejaı nysandarynda, vokzaldar men perrondarda qoǵamdyq tártip pen azamattardyń qaýipsizdigin qamtamasyz etý boıynsha birqatar mindetter qoıdy.




Joǵary qaraı