Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kóktemgi dala jumystaryn qarjylandyrýǵa qansha qarajat bólindi

2021 jyldyń 10 maýsym 2021 11:27

NUR-SULTAN. QazAqparat – Kóktemgi dala jumystaryn qarjylandyrý aıaqtaldy. Bul týraly Úkimet otyrysynda Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

«Kóktemgi dala jumystaryn qarjylandyrý aıaqtaldy. Qarjylandyrýdyń jalpy somasy shamamen 128 mlrd teńgeni qurady, onyń ishinde: Agrarlyq nesıe korporatsııasy jelisi boıynsha bıýdjettik kredıt esebinen «Keń dala» baǵdarlamasy boıynsha 70 mlrd teńge, Ulttyq bank qarajaty esebinen «Qarapaıym zattar ekonomıkasy» baǵdarlamasy boıynsha

6 mlrd teńge, Agrobıznes baǵdarlamasy boıynsha 4,6 mlrd teńge, Qarjylaı qoldaý qorynan 854 mln teńge berildi», - dedi S. Omarov.

Budan basqa, Azyq-túlik korporatsııasynyń satyp alý somasy 47 mlrd teńgeni qurady. Bıdaı, arpa, kúnbaǵys, raps, zyǵyr, qaraqumyq, suly jáne soıa sııaqty ónimderge 743 myń tonna kóleminde forvardtyq kelisimsharttar jasaldy.

«Bul áleýmettik mańyzy bar taýarlardy óndirý úshin qajetti shıkizattyń, sondaı-aq mal sharýashylyǵy men qus sharýashylyǵy qojalyqtary úshin jemshóp qorynyń bolýyna múmkindik beredi», - dedi mınıstr.

Budan buryn habarlanǵandaı, búgin Úkimet otyrysynda Premer-Mınıstr Asqar Mamın aýyl sharýashylyǵy salasyna qatysty birqatar tapsyrma berdi.



Joǵary qaraı