Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Kóktemde bolýy yqtımal sý tasqynyna daıyndyq josparǵa saı júrip jatyr - Qazsýshar

2021 jyldyń 18 qańtar 2021 13:45

NUR-SULTAN. QaAqparat - «Qazsýshar» RMK 2021 jylǵy sý tasqyny kezeńine daıyndyq boıynsha josparly jumys júrgizýde.

Osy baǵytta naqty qandaı sharalar qabyldanyp jatqany týraly QR Ekologııa, geologııa jáne tabıǵı resýrstar mınıstrliginiń Facebook-tegi paraqshasyndaǵy tikeleı efırde «Qazsýshar» RMK Bas dırektorynyń orynbasary Erlan Sádýaqasov málimdedi.

Onyń aıtýynsha, sý tasqyny qaýpiniń aldyn alý úshin kásiporyn ótken jyldyń kúzinen bastap sý qoımalarynda bos syıymdylyqtar qurý boıynsha jumys júrgizýde.

«Biz bul baǵytta 2020 jyldyń kúzinen bastap jumys istep kelemiz. Sondaı-aq, basseındik ınspektsııalarmen, Tótenshe jaǵdaılar salasy ókilderimen jáne ákimdiktermen birlesip, gıdrotehnıkalyq qurlystardy kózben sholyp, tekserý júrgizdik. Tótenshe jaǵdaı týyndaı qalsa, qurylys jáne basqa da ınertti materıaldardyń, qaptardyń qajetti qorlary daıyndaldy, tıisti arnaıy tehnıka bar, janar-jaǵarmaı daıyn», - dep atap ótti spıker.

Erlan Sádýaqasov habarlaǵandaı, «Qazsýshar» RMK balansynda respýblıkalyq menshiktegi 4953 sý sharaýashylyǵy jáne gıdromelıoratıvtik obektiler bar, onyń ishinde: 86 sý qoımasy, 84 sý toraby, 36 bóget, 103 sorǵy stantsııasy, 46 bas qurylys, 3298 kanal jáne basqa da sý sharýashylyǵy obektileri bar.




«Barlyq sý qoımalary bekitilgen kestege sáıkes jumys isteıdi jáne kóktemgi tasqyn sýdy jiberetin syıymdylyq qory bar. Olardy jobalyq kólemge deıin toltyrǵan jáne sý mol kólemde keletin bolsa, olar tranzıttik rejımde jumys isteıdi», - dep habarlady Qazsýshar basshysynyń orynbasary.

Erlan Sádýaqasov Qazaqstanda sý tasqyny kezeńi ońtústik óńirlerdi qospaǵanda, naýryz aıynyń basynda bastalatynyn, al erigen sý aqpannyń basynda keletinin atap ótti. Sý tasqyny maýsymynyń sátti ótýi aýa-raıy jaǵdaılaryna jáne sý tasqynyna qarsy ýaqytyly qabyldanǵan sharalarǵa tikeleı baılanysty.

«Aqpan aıynda «Qazgıdromet» ylǵal qorynyń kólemi men topyraqtyń qatý tereńdigi týraly aqparatty usynady. Bul kóktemgi sý tasqyny qaýpi bar aımaqtardy anyqtaıdy. Sondaı-aq, olardyń málimetteri negizinde biz sý qoımalarynyń jumys rejımin túzetemiz. Bul qaýipti gıdrologııalyq qubylystardy der kezinde anyqtaý, gıdrotehnıkalyq qurylystardyń jaǵdaıyn baqylaý úshin jasalady», - dep túıindedi ol.


Joǵary qaraı