Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kóktaıǵaq, jeldiń kúsheıýi, tuman - 16 qańtardaǵy kún raıyna boljam

2022 jyldyń 16 qańtar 2022 03:30

NUR-SULTAN. QazAqparat - Qazgıdromet 16 qańtarda bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.

Áli de Barents teńizi aýdandaryndaǵy belsendi tsıklon jańbyr men qar túrinde mol jaýyn – shashyn ákelýde, ońtústik Qazaqstannyń taýly aýdandarynda qatty jaýyn-shashyn bolady. Sondaı-aq, kóktaıǵaq, qatty jel burqasynmen birge, ońtústik Qazaqstannyń taýly aýdandarynda jeldiń ekpini 30 m/s jáne odan da asa bolady dep kútilýde. Respýblıka boıynsha keı jerlerde tuman kútiledi.

Túrkistan oblysynyń ońtústiginde, taýly aýdandarynda tuman túsip, jel 15-20, oblystyń soltústiginde, batysynda, taýly jáne taý bókterindegi aýdandarda 23-28, taýly asýlarda 30 m/s jáne odan da asa bolady dep kútilýde.

Aqmola oblysynyń batysynda, shyǵysynda, soltústiginde burqasyn, kóktaıǵaq, jeldiń jyldamdyǵy 15-20, kúndiz soltústik jartysynda 23-28 m/s kútiledi. Qostanaı oblysynyń ońtústik-batysynda kóktaıǵaq, burqasyn kútiledi, jeldiń kúsheıýi 15-20, ekpini 23-28 m/s deıin jetedi.

Soltústik Qazaqstan oblysynyń soltústiginde, ońtústiginde, batysynda burqasyn kútiledi, jel 15-20 m/s, túnde oblystyń ońtústik-batysynda ekpini 23-28 m/s kúsheıedi.

Qaraǵandy oblysynyń soltústiginde, batysynda, shyǵysynda burqasyn, kóktaıǵaq, ońtústik-shyǵysynda tuman, soltústiginde, shyǵysynda, oblystyń ortalyǵynda jeldiń kúsheıýi 15-20, ekpini 25 m/s kútiledi.

Túnde soltústik-shyǵysynda, kúndiz Shyǵys Qazaqstan oblysynyń batysynda jaıaý burqasyn, kóktaıǵaq, túnde ortalyǵynda jeldiń kúsheıýi, kúndiz batysynda, ortalyǵynda, ońtústik-shyǵysynda 15-20, ekpini 25 m/s kútiledi.

Kúndiz Pavlodar oblysynyń ońtústik-shyǵysynda burqasyn, kóktaıǵaq kútiledi, túnde soltústiginde, kúndiz ońtústiginde, shyǵysynda jel 15-20 m/s deıin jetedi.

Jambyl oblysynyń soltústiginde, taýly aýdandarynda tuman, ońtústik-batysynda, taýly aýdandarda jeldiń kúsheıýi 15-20, ekpini 23-28 m/s kútiledi.

Túnde Mańǵystaý oblysynyń basym bóliginde, kúndiz batysynda kóktaıǵaq, túnde batysynda, ortalyǵynda jeldiń kúsheıýi 17-22 m/s kútiledi.

Atyraý oblysynyń basym bóliginde kóktaıǵaq, tuman kútiledi, soltústiginde, batysynda jeldiń kúsheıýi 15-20 m/s jaıaý burqasynmen bolady.

Batys Qazaqstan oblysynyń soltústiginde, shyǵysynda jel 15-20 m/s burqasynmen kútiledi. Aqtóbe oblysynyń soltústiginde, batysynda, shyǵysynda kóktaıǵaq, burqasyn kútiledi, jel 15-20 m/s kúsheıedi.

Qyzylorda oblysynyń ońtústiginde, ortalyǵynda tuman, kóktaıǵaq kútiledi, kúndiz oblystyń ortalyǵynda jel 15-20 m/s kúsheıedi. Almaty oblysynyń Jalańashkól aýdanynda jeldiń kúsheıýi 18-23 m/s deıin kútiledi.

Basty sózder: Aýa raıy,
Joǵary qaraı