Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kóktaıǵaq: ShQO-da 250-den astam adam zardap shekti

2021 jyldyń 25 qarasha 2021 14:55

ÓSKEMEN. QazAqparat – Shyǵys Qazaqstan oblysynda kóktaıǵaq saldarynan 250-den astam adam zardap shekti, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, sońǵy kúnderi turǵyndar arasynda kóktaıǵaq saldarynan jaraqat alyp, qol-aıaǵy kógerip, synǵandar sany kúrt kóbeıgen. Oblys aýrýhanalaryna kúnine júzdegen adam júginýde.

«Keshe Óskemendegi medıtsınalyq mekemelerge 150 adam kelse, Semeıde de júzden asyp otyr. Al búgin tańerteńnen beri 20-ǵa jýyq azamat kóktaıǵaqtan zardap shekken. Jurtshylyqqa taıǵanap qulap, qandaı da bir jaraqat alǵan jaǵdaıda birden dárigerlerge qaralý kerektigin eskertemiz», - dep habarlady vedomstvo ókilderi.

Esterińizge sala ketsek, 25 qarashada Shyǵys Qazaqstanda kóktaıǵaqqa baılanysty 2-aýysymdaǵy oqýshylar onlaın oqyǵan bolatyn.


Joǵary qaraı