Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kókshetaýda Reseı azamaty qonaq úıdiń joǵary qabatynan sekirip, mert boldy

2021 jyldyń 19 qazan 2021 13:10

KÓKShETAÝ. QazAqparat – Kókshetaýda er adam qonaq úıdiń joǵary qabatynan sekirip kóz jumdy, dep habarlaıdy QazAqparat tilshisi.

Aqmola oblysy Polıtsııa departamenti baspasóz qyzmetiniń málimetinshe, aǵymdaǵy jyldyń 18-shi qazanynda Kókshetaý qalalyq polıtsııa basqarmasynyń kezekshi bólimine jedel járdem kóliginde 35 jastaǵy er adamnyń qaıtys bolǵany týraly habar tústi.

«Tekserý barysynda polıtsııa qyzmetkerleri qazannyń 18-de saǵat 18:40-ta oblys ortalyǵyndaǵy qonaq úı keshenderiniń birinde nómir jaldaǵan er adamnyń meıramhanaǵa barǵannan keıin óz bólmesine kóterilip, terezeden keshenniń aýlasyna sekirgenin anyqtady. Saldarynan er adam jedel járdem kóliginde kóz jumdy. Er adam Reseıdiń Omby qalasynyń turǵyny bolyp shyqty», - dep túsindirdi vedomstvodan.

Kókshetaý qalalyq polıtsııa basqarmasynyń tergeý bólimi qonaq úı turǵynynyń ólimine baılanysty Qylmystyq kodekstiń 105-shi babynyń 1-bóligi «óz-ózine qol jumsaýǵa jetkizý» boıynsha sotqa deıingi is júrgizýdi bastady. Sot-medıtsınalyq saraptama taǵaıyndaldy. Tergeý amaldary júrgizilip jatyr.


Avtor Aslan Ospanov
Basty sózder: Aqmola oblysy, Oqıǵa,
Joǵary qaraı