Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kókshetaýda koronavırýspen aýyrǵandardyń 99 paıyzy vaktsına almaǵandar

2021 jyldyń 22 qazan 2021 10:42

KÓKShETAÝ. QazAqparat - «Ashyq» qosymshasynyń arqasynda Kókshetaýda úı karantıni talabyn buzǵan 661 adam anyqtaldy. Onyń 478-i «qyzyl», 138-i «sary» mártebesi bar.

Bul týraly brıfıngte Kókshetaýdyń bas memlekettik sanıtarlyq dárigeri Qanat Ysqaqov málim etti, dep habarlaıdy QazAqparat tilshisi.

Kókshetaý qalasynda «Ashyq» jobasyna 800-den astam kásipkerlik nysany qatysady. Jobanyń tıimdiligi koronavırýs ınfektsııasymen aýyratyn naýqastardy jáne úı karantıni rejımin buzǵan baılanysta bolǵan adamdardy anyqtaýmen rastalady.

«Búgingi tańda «Ashyq» qosymshasynyń kómegimen Kókshetaýda 661 tártip buzýshyny anyqtaý múmkin boldy, onyń ishinde 478 adam «qyzyl», 138 adam «sary» mártebesi bar. 235 adam jalpy somasy 8 mln 255 myń 360 teńgege ákimshilik jaýapqa tartyldy», - dep túsindirdi Q.Ysqaqov.

Karantın rejımin buzǵan 159 adam Qazaqstannyń ózge óńirleriniń turǵyndary bolyp shyqty. Olar boıynsha sharalar qabyldaý úshin aqparat turǵylyqty jerine jiberildi.

Qalanyń bas memlekettik sanıtarlyq dárigeriniń aıtýynsha, monıtorıngtik toptar Kókshetaýda karantın talaptarynyń buzylýyn anyqtaýdy jalǵastyrýda.

«1 qazannan bastap ártúrli menshik nysanyndaǵy 86 nysan tekserilip, 10 nysannyń qarantın rejımin buzǵany anyqtaldy. Maska rejımin buzǵany úshin tórt nysannyń jaýapty tulǵalary ákimshilik jaýapqa tartyldy. Jumys rejımin buzǵan eki jeke kásipker jazalandy. 50-den astam adamnyń qatysýymen buqaralyq is-sharalar ótkizgen tórt jeke kásipker jaýapqa tartyldy», - dep atap ótti oblys ortalyǵynyń bas memlekettik sanıtarlyq dárigeri. Q.Ysqaqov.


Joǵary qaraı