Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kókshetaýda BMW men Skoda soǵylyp, bir adam qaza tapty

2021 jyldyń 21 qyrkúıek 2021 01:50

KÓKShETAÝ. QazAqparat - Kókshetaýda jol-kólik oqıǵasynan bir adam qaza tapty, dep habarlaıdy QazAqparat tilshisi.

Aqmola oblystyq polıtsııa departamentiniń málimetinshe, jol apaty 20 qyrkúıekte saǵat 19:15 shamasynda bolǵan. Sh.Ýálıhanov kóshesimen shyǵys baǵytta júrip kele jatqan BMW-520 kóligi Sádýaqasov kóshesinde baǵdarshamnyń tyıym salatyn sary túsine ótip ketip, qarsy baǵytta sol jaqqa burylmaqshy bolǵan «Skoda Felicia» kóligine soǵylǵan. Ol aýdarylyp qalǵan.

«Jol apaty saldarynan «Skoda Felicia» kóligindegi jolaýshysy alǵan jaraqatynan oqıǵa ornynda kóz jumdy, al júrgizýshisi túrli dene jaraqatymen Aqmola oblystyq aýrýhanasyna jetkizildi. Qazirgi kezde, kináli júrgizýshige qatysty Qylmystyq kodekstiń 345-baby «kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha sotqa deıingi tergeý sharalary júrgizilip jatyr», - dedi vedomstvonyń baspasóz hatshysy QazAqparat tilshisiniń saýalyna.



Avtor Aslan Ospanov
Basty sózder: QR ІІM, Kólik, Aqmola oblysy,
Joǵary qaraı