Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kókshetaýda bes qabatty turǵyn úıde gaz jaryldy

2021 jyldyń 12 qazan 2021 22:32

KÓKShETAÝ. QazAqparat - Kókshetaýda bes qabatty turǵyn úıde gaz qospasy jaryldy. Saldarynan eki adam zardap shekti, dep habarlaıdy QazAqparat tilshisi oblystyq Tótenshe jaǵdaılar departamentiniń baspasóz qyzmetine silteme jasap.

Vedomstvonyń málimetinshe, tótenshe jaǵdaı qazannyń 12-de keshki saǵat 19:05-te Kóktem «5» meken-jaıy boıynsha ornalasqan 5 qabatty turǵyn úıdiń 2-shi qabatyndaǵy páterde bolǵan.

«Oqıǵa ornyna TJD jeke quramynan 22 qyzmetker men 6 arnaıy tehnıka, jedel járdem qyzmeti brıgadasynyń 12 qyzmetkeri men 4 tehnıkasy, polıtsııa basqarmasynyń 16 qyzmetkeri men 7 tehnıkasy jumyldyryldy», - dedi vedomstvodan.








Vedomstvonyń baspasóz qyzmetinen atap ótkendeı, jarylys saldarynan páterler arasyndaǵy gıpsokartonnan jasalǵan páteraralyq qabyrǵa men balkon qıraǵan.

«Órt sóndirý qyzmetkerleri úsh ıindi baspaldaqtyń kómegimen 3 adamdy (onyń ekeýi bala) evakýatsııalady. Oqıǵa ornynda medıtsınalyq kómekke 2 adam júgindi. Onyń biri jarylys bolǵan páterdiń turǵyny 1970 jyly týǵan áıel adamnyń aıaǵyn 20 paıyz kúıik shalsa, taǵy bir 1994 jylǵy turǵyn zardap shekti. Ekeýiniń de jaǵdaılary qanaǵattanarlyq. Oqıǵa ornynda TJD kúshimen mobıldi jylytý pýnkti uıymdastyrylyp, atalmysh úı turǵyndaryna psıhologııalyq kómek kórsetildi, sondaı-aq (52-09-50) nómiri boıynsha jedel jeli uıymdastyryldy», - dep tolyqtyrdy vedomstvodan.





Joǵary qaraı