Aýa raıy
Astana -6 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Kókshetaýda 80 medıtsına qyzmetkeri koronavırýs juqtyrǵan

2020 jyldyń 3 jeltoqsan 2020 22:30

KÓKShETAÝ. QazAqparat - Sońǵy úsh aıda Kókshetaýda medıtsına qyzmetkerleriniń arasynda koronavırýs juqtyrýdyń 80 jaǵdaıy tirkelgen. Bul týraly Kókshetaý qalasynyń bas sanıtarlyq dárigeri Qanat Ysqaqov aıtty, dep habarlaıdy QazAqparat tilshisi.

Bas sanıtarlyq dárigerdiń aıtýynsha, jeltoqsannyń 3-indegi jaǵdaı boıynsha oblys ortalyǵynda koronavırýs ınfektsııasy boıynsha zerthanada rastalǵan 2420 jaǵdaı tirkelgen.

«Tamyzdyń 1-inen bastap COVID-19 belgili boıynsha 162 pnevmonııa tirkeldi. Jalpy, qazan, qarasha aılarynda Kókshetaý qalasynyń emdeý – aldyn alý uıymdarynda medıtsına qyzmetkerleriniń arasynda koronavırýs juqtyrýdyń 80 jaǵdaıy anyqtaldy. Osy boıynsha naqtyly komıssııalyq tekserý júrgizilýde», - deıdi Qanat Ysqaqov.

Jalpy, qalada aýrýdyń 355 oshaǵy tirkelgen bolsa, onyń 78 úı. 200 naýqas juqpaly aýrýlar statsıonarynda em qabyldaýda. 635 adam úıinde dárigerdiń baqylaýyna alynǵan. 15 adamnyń jaǵdaıy aýyr, 3 adamnyń jaǵdaıy óte aýyr. Sonymen birge, koronavırýs ınfektsııasy oqýshylar arasynda da tirkelýde.

«Oqý jyly bastalǵannan beri koronavırýs ınfektsııasy boıynsha zerthanada rastalǵan oqýshylar arasynda 56 jaǵdaı jáne mektep qyzmetkerleri arasynda 22 jaǵdaı tirkeldi. Koronavırýs ınfektsııasynyń taralýyn boldyrmaý maqsatynda karantındik talaptardyń saqtalýyn qadaǵalaý boıynsha monıtorıngilik toptar jumys isteýde. Pandemııa kezinde 2763 nysanǵa reıdtik tekseris júrgizildi. Onyń ishinde jalpy 37 mıllıon somadan astam teńgege 760 ákimshilik aıyppul salyndy», - dep tolyqtyrdy Qanat Ysqaqov.

Aıta keteıik, 2020 jyldyń 7 qarashasynan bastap, Kókshetaý qalasynyń karantındik aımaǵy perımetrinde 6 sanıtarlyq post ornatyldy. Qarasha aıynda anyqtalǵan 890 jaǵdaıdyń 24 – Kókshetaý qalasyna syrttan kelgen (Nur-Sultan-8, SQO - 7 (Aıyrtaý aýdany - 2, Petropavl-2, Talshyq-2, Kishkenekól-1), Qostanaı - 3,Almaty-1, Qaraǵandy-1, Qyzylorda-1, ýche-1, Atbasar aýdany-1, Birjan sal aýdany-1).


Joǵary qaraı