Aýa raıy
Astana -11 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Kókshetaý turǵyny bankomatta bireýdiń 500 myń teńgesin ıemdenip ketken

2020 jyldyń 30 qazan 2020 10:38

KÓKShETAÝ. QazAqparat – Aqmola oblysynda er adam bankomatta ózge bireýdiń qaldyryp ketken jarty mıllıon teńgesin ıemdenip ketti, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, oqıǵa 27 qazanda Kókshetaý qalasynda oryn aldy. 39 jastaǵy jergilikti turǵyn aryzdanyp, belgisiz bireýdiń 540 000 teńge aqshasyn bankomattan sheship alyp ketkenin aıtqan.

«Anyqtalǵandaı, zardap shegýshi bankomat arqyly aqsha aýdarmaqshy bolǵan. Ol aldymen aqshany uıashyqqa salyp, keıin operatsııany tolyq aıaqtaýsyz qaldyrady. Osy kezde odan keıingi klıent ol aqshany alyp, banktiń qaýipsizdik qyzmetine aıtpaı ketip qalady», -deıdi vedomstvodan.

Tártip saqshylary er adamdy anyqtady. Ol Kókshetaý qalasynyń 45 jastaǵy turǵyny bolyp shyqty. Qazirgi kezde oǵan protsessýaldyq sheshim qabyldaý máselesi qaralyp jatyr.


Avtor Aslan Ospanov
Basty sózder: Aqmola oblysy, Oqıǵa, QR ІІM,
Joǵary qaraı