Aýa raıy
Astana -17 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Qoǵamdyq sanany jańǵyrtý bir kúndik is-shara emes - Aıda Balaeva

2020 jyldyń 29 qazan 2020 20:23

NUR-SULTAN. QazAqparat - Qoǵamdyq sanany jańǵyrtý bir kúndik is-shara emes. Bul týraly Aqordada ótken Qoǵamdyq sanany jańǵyrtý jónindegi ulttyq komıssııa otyrysynda QR Aqparat jáne qoǵamdyq damý mınıstri Aıda Balaeva aıtty, dep habarlaıdy QazAqparat tilshisi.

«Sóz joq, Aqparat jáne qoǵamdyq damý mınıstrligi «Rýhanı jańǵyrý» baǵdarlamasy tıimdiligin arttyrý baǵytyndaǵy jumystardy óz quzyreti sheginde alda da jalǵastyratyn bolady. Degenmen, bul jumys únemi jetildirýdi talap etedi. Osy oraıda, Ulttyq komıssııanyń qaraýyna usynatyn birqatar problemalyq máseleler bar«, - dedi mınıstr.

Osy rette Aıda Balaeva atalǵan problemalyq máselelerge qysqasha toqtalyp ótti.

»Qoǵamdyq sanany jańǵyrtý bir kúndik is-shara emes. Qazirgi jaǵdaı kórsetip otyr, eger álemniń úzdik jetistikterinen úmitimiz bolsa, biz eń aldymen sanamyzdaǵy paıdasyz qaǵıdalar men qajetsiz ádetterden, til men dildiń qadirsizdiginen, talǵamsyz salt pen daraqy dástúrlerden der kezinde arylýymyz shart. Ol úshin joǵaryda baıandalǵan jańa jospardy basshylyqqa ala otyryp, eldiń tutastaı «rýhanı jaǵdaıyna» aýqymdy zertteý jasap, qandaı óńirlerde qandaı máseleler baryn anyqtap, sol aımaqtarda adresti túrde jumys jasaý qajet. Bul jumystyń nátıjesi týraly óńir basshylyǵynyń ár jarty jyl saıyn Úkimet deńgeıinde esep berýin engizý kerek», - dedi ol.

Eske sala keteıik, Memlekettik hatshy Qyrymbek Kósherbaevtyń tóraǵalyǵymen ótken komıssııa otyrysynda «Rýhanı jańǵyrý» baǵdarlamasyn odan ári tereńdetip Ulttyq jańǵyrý kezeńine ótkizýdiń arnaıy Jol kartasyn jasaý qajet degen sheshim qabyldandy. Bul qujat asa mańyzdy ulttyq joba retinde júrgiziledi.

Ulttyq jańǵyrý jobasynyń eń basty máni – Ulttyń básekege qabilettiligin arttyrý. Bul – ulttyq jańǵyrýdyń strategııalyq maqsaty bolyp qalady. Jol kartasynda Memlekettik til mártebesin arttyrý, Bilim jáne ǵylymdy damytý, Joǵary ulttyq jáne jalpyadamzattyq qundylyqtar negizinde rýhanı-adamgershilik jáne patrıottyq tárbıe berý, Eńbek adamyn qalyptastyrý, Aýyldy túletý sııaqty t.b keshendi is-sharalar qamtylady. Memlekettik hatshy otyrysty qorytyndylaı kele, «Rýhanı jańǵyrý» baǵdarlamasynyń basym baǵyttary boıynsha jumysty odan ári jandandyrý boıynsha naqty tapsyrmalar berdi.


Joǵary qaraı