Aýa raıy
Astana -7 °S
Almaty -13 °S
valıýta baǵamy
USD 421.58
EUR 496.83
RUB 5.53
CNY 62.20

Qoǵamdyq keńesterdiń múshelerin merziminen buryn alyp tastaýǵa bolady – zań jobasy

2020 jyldyń 24 qazan 2020 13:13

NUR-SULTAN. QazAqparat – Qazaqstanda Qoǵamdyq keńesterdiń múshelerin merziminen buryn alyp tastaýǵa bolady. Bul týraly QR Parlamenti Májilisinde ótken dóńgelek ústel otyrysynda aıtyldy, dep habarlaıdy QazAqparat tilshisi.

Atalǵan sharada QR Aqparat jáne qoǵamdyq damý vıtse-mınıstri Bolat Tilepov «Qazaqstan Respýblıkasynyń keıbir zańnamalyq aktilerine qoǵamdyq keńesterdiń qyzmeti máseleleri boıynsha ózgerister men tolyqtyrýlar engizý týraly» Zań jobasynyń negizgi erejelerin tanystyrdy.

Іs-sharaǵa Parlament depýtattary, ortalyq jáne jergilikti memlekettik organdardyń Qoǵamdyq keńesteriniń basshylary, memlekettik organdardyń, ÚEU-niń ókilderi jáne sarapshylar qatysty.

Qoǵamdyq keńester qyzmetiniń máseleleri boıynsha talqylaýǵa usynylǵan úkimettik túzetýler 2019 jylǵy qarashadan bastap Májilistiń qaraýynda jatyr. Osyǵan baılanysty depýtat Qanat Mýsın qoǵamdyq keńester qoǵam men bılik arasynda syndarly baılanys ornaǵanyn, sondaı-aq, búginde elimizde 200-den astam Qoǵamdyq keńes qurylǵanyn atap ótti.

«Bizdiń azamattarymyzdyń baǵalaýy boıynsha Qoǵamdyq keńester qoǵamdyq pikir bildirýdiń jáne qoǵam men bılik arasyndaǵy dıalogtyń derbes jáne mańyzdy ınstıtýty retinde qalyptasty», - dep atap ótti depýtat.

Aıta keteıik, zań jobasy jergilikti deńgeıde sandyq quramdy jáne respýblıkalyq deńgeıde qoǵamdyq keńester quramynyń sandyq parametrlerin belgileý boıynsha biryńǵaı tásildi usynady. Qoǵamdyq tyńdaýlardy, qoǵamdyq saraptamany, qoǵamdyq monıtorıngti, memlekettik organdar basshylarynyń esepterin uıymdastyrý jáne ótkizý tártibin normatıvtik bekitý usynylady.

«Qoǵamdyq keńesterge qajet bolǵan jaǵdaıda qoǵamdyq baqylaýdyń ártúrli formalaryn júrgizý úshin táýelsiz sarapshylardy tartý múmkindigin berý usynylady. Zań jobasynda qoǵamdyq keńester salasyndaǵy ýákiletti organdy aıqyndaý arqyly memleket pen Qoǵamdyq keńesterdiń ózara is-qımyl jasaý tetigi belgilenedi, onyń quzyretine qoǵamdyq keńesterdiń qyzmetin úılestirýdi jáne ádistemelik qamtamasyz etýdi júzege asyrý kiredi. Bul organǵa Memleket basshysyna Qoǵamdyq keńesterdiń qyzmeti týraly jyl saıynǵy Ulttyq baıandamany daıyndaý jáne engizý boıynsha ókilettikter beriletin bolady», - dedi Bolat Tilepov.

Aıta keteıik, Qazaqstanda túrli deńgeıdegi 234 Qoǵamdyq keńes jumys isteıdi. Respýblıkalyq deńgeıde – 18 Qoǵamdyq keńes, óńirlik deńgeıde – 216 keńes (oblystar deńgeıinde, Nur-Sultan men Almaty, Shymkentte – 17, qalalar men aýdandar deńgeıinde – 199).


Joǵary qaraı