Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qoǵamdyq keńester memlekettik satyp alý protsesiniń baqylaýyn bastady

2021 jyldyń 15 maýsym 2021 12:00

NUR-SULTAN. QazAqparat - 2021 jyly «Qoǵamdyq keńester týraly» Zańǵa engizilgen túzetýlerdiń arqasynda memlekettik satyp alý boıynsha konkýrstyq komıssııalarǵa qoǵamdyq keńesterdiń músheleri alǵash ret qatysýda, dep habarlaıdy QazAqparat QR Aqparat jáne qoǵamdyq damý mınıstrliginiń baspasóz qyzmetine silteme jasap.

Esterińizge sala keteıik, 2021 jyldyń 3 qańtarynda Memleket Basshysy Qasym-Jomart Toqaev «Qoǵamdyq keńester týraly» Zańǵa birqatar túzetýler engizip, olardyń músheleriniń quqyqtary men mindetterin aıtarlyqtaı keńeıtti. Olar qoǵamdyq keńesterdiń múshelerin satyp alý komıssııalarynyń jumysyna tartýdy kózdeıdi.

Aqparat jáne qoǵamdyq damý mınıstrliginiń Qoǵamdyq keńester qyzmeti salasyndaǵy salaaralyq úılestirýdi júzege asyratyn ýákiletti memlekettik organ retindegi monıtorıngi qoǵam belsendileriniń uıymdastyrý jáne ótkizý qaǵıdalarynyń erejelerin eskere otyryp, qoǵamdyq baqylaý nysandaryna kiriskenin kórsetedi.

Mysaly, Qarjy monıtorıngi agenttiginiń Qoǵamdyq keńesiniń músheleri 5 konkýrstyq komıssııanyń jumysyna qatysty, al otyn-energetıka kesheni máseleleri jónindegi Qoǵamdyq keńestiń músheleri Energetıka mınıstrliginiń 14 memlekettik satyp alýyn júzege asyrýǵa qatysty.

Sondaı-aq, búginde agroónerkásiptik keshen, ishki ister organdarynyń qyzmeti, memlekettik qarjy máseleleri jónindegi qoǵamdyq keńesterdiń músheleri Aýyl sharýashylyǵy, Іshki ister jáne Qarjy mınıstrlikteriniń Memlekettik satyp alý jónindegi konkýrstyq komıssııalarynyń quramyna endi.

Sonymen qatar, jumys elimizdiń óńirlerinde de júrgizilýde. Osylaısha, memlekettik satyp alý protsesiniń ashyqtyǵy men obektıvtiligin qamtamasyz etý úshin qoǵamdyq keńesterdiń músheleri Jambyl jáne Almaty oblystarynyń konkýrstyq komıssııalarynyń quramyna kirdi.

Budan basqa, qoǵamdyq keńester kvazımemlekettik sektor sýbektilerin qospaǵanda, Memlekettik kásiporyndardyń, memleket baqylaıtyn aktsıonerlik qoǵamdar men jaýapkershiligi shekteýli seriktestikterdiń damý josparlarynyń iske asyrylý monıtorınginiń nátıjeleri týraly esepterdi talqylaýdy tájirıbege engizdi.

Densaýlyq saqtaý, memlekettik qarjy, otyn-energetıkalyq keshen máseleleri jónindegi qoǵamdyq keńesterde «Farmatsııa» SK JShS, «Elektrondyq qarjy ortalyǵy» AQ, «Aqparattyq-esepteý ortalyǵy» AQ, «Ulttyq ındýstrııalyq munaı-hımııa tehnoparki» AEA, «Munaı jáne gaz aqparattyq-taldaý ortalyǵy» AQ sııaqty vedomstvolyq baǵynysty uıymdardyń esepteri tyńdalyp, olardyń qorytyndylary boıynsha tıisti usynymdar berildi.


Joǵary qaraı