Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Qoǵamdyq baqylaý formalary qanshalyqty tıimdi – sarapshy pikiri

2020 jyldyń 24 qarasha 2020 18:05

NUR-SULTAN. QazAqparat – ІH Azamattyq forýmda Talap qoldanbaly zertteýler ortalyǵynyń dırektory Raqym Oshaqbaev memlekettik baqylaý men qadaǵalaýdyń tıimdiligi týraly pikir bildirdi, dep habarlaıdy QazAqparat tilshisi.

«Kópshiliktiń qoǵamdyq baqylaýdyń shegi bolýy kerek degen pikirmen keliskeni qýantady. Biz birneshe mıftermen kúresip kelemiz. Bizde qoǵamdyq baqylaý joq degen alǵashqy mıf úshin zań qabyldaý kerek. Іs júzinde qoǵamdyq baqylaý bar, onyń kóptegen formalary bar. Bul zańnyń mindetteriniń biri – zań shyǵarýshy jáne memlekettik saıasat deńgeıinde onyń bar ekenin túsiný jáne tizimdeý. Ekinshi mıf – tek Aqparat jáne qoǵamdyq damý mınıstrliginde tirkelgen, ınstıtýttsııalanǵan azamattyq qoǵam ǵana usynylady. Kók jaılaý mysalynan azamattyq qoǵam ókilderiniń beıresmı, qurylym bolmaı-aq, jumyla ketkenin kórip otyrmyz. Sonyń ishinde áleýmettik jeliler arqyly azamattyq belsendilik tanytyp, memlekettik saıasatqa yqpal etý kerek», - deıdi Raqym Oshaqbaev.

Onyń aıtýynsha, zańnamany damytý qoǵamdyq baqylaýdyń qoldanystaǵy formalaryn tıimdirek etýge baǵyttalýy tıis. Mysal retinde ortalyq memlekettik organdar janyndaǵy akkredıttelgen, birikken kásipkerlik sýbektileri qatysatyn normatıvtik-quqyqtyq aktiler jobalarynyń saraptamasyn keltirýge bolady.

«Qoǵamdyq keńester qyzmetiniń tıimdiligi zań shyǵarýshy usynǵan áleýetten óte keıin qalyp otyr. Qoǵamdyq keńesterdiń táýelsizdigi men olardyń ókilettikteri keńeıtiletin túzetýlerdiń ekinshi paketinde olardyń tolyq paıdalanylmaǵanyn kórip otyrmyz. Tórtinshiden, qoǵamdyq baqylaýdyń alýan túrli formalary jalpy memlekettik baqylaýdy, qadaǵalaýdy almastyra ma? Munda kópshiliginde memlekettik saıası jáne qoǵamdyq pishin bólinedi. Al shyn máninde, saıası júıeler men ınstıtýttar qoǵam múddelerin bildiretin tásil bolyp tabylady. Biz olarǵa baqylaý-qadaǵalaý fýnktsııalaryn beremiz. Іs júzinde baqylaý qoǵam múddeleri úshin jasalady. Eger qazirgi memlekettik baqylaý, qadaǵalaý tıimsiz bolsa, bul tetikterdi qaıtalaýdan góri túzetip, bir-birine jalǵaý qajet», - dep qorytyndylady Raqym Oshaqbaev.


Joǵary qaraı