Aýa raıy
Astana 12 °S
Almaty 26 °S
valıýta baǵamy
USD 412.55
EUR 468.66
RUB 5.79
CNY 58.80

Qoǵam qaıratkeri Saltanat Rahymbekova ómirden ozdy

2020 jyldyń 3 tamyz 2020 11:28

NUR-SULTAN. QazAqparat – Qoǵam qaıratkeri Ekologııa, geologııa jáne tabıǵı resýrstar mınıstrliginiń Qoǵamdyq keńesiniń tóraǵasy Saltanat Rahymbekova ómirden ozdy, dep habarlaıdy QazAqparat.

Bul týraly óziniń Facebook paraqshasynda marqumnyń kúıeýi, «Ulttyq agrarlyq ǵylymı- bilim berý ortalyǵy» kommertsııalyq emes aktsıonerlik qoǵamynyń basqarma tóraǵasy Tóleýtaı Rahymbekov jazdy.

Aıta keteıik, Saltanat Rahymbekova 55 jasynda pnevmonııadan kóz jumdy.

Saltanat Rahymbekova 1965 jyly týǵan. Qazaq aýyl sharýashylyǵy ınstıtýtyn «Injener-mehanık» mamandyǵy boıynsha jáne E.A. Bóketov atyndaǵy Qaraǵandy memlekettik ýnıversıtetin «Zańger» mamandyǵy boıynsha bitirgen. Ekonomıka ǵylymdarynyń doktory. Ár jyldary Qaraǵandy oblysy ákiminiń keńesshisi, Qorshaǵan ortany qorǵaý mınıstriniń keńesshisi, «Atameken» Odaǵy Basqarma tóraǵasynyń keńesshisi, Kólik jáne kommýnıkatsııa mınıstrliginiń qurylymynda jumys istedi. «Jasyl ekonomıka» jáne G-Global-dy damytý koalıtsııasynyń basqarma tóraǵasy, Basqarýshy dırektory qyzmetin atqardy. Osy jyldyń maýsym aıynan bastap eldiń Azamattyq alıansynyń prezıdenti qyzmetin atqardy.


Basty sózder: Qoǵam, Oqıǵa,
Joǵary qaraı